A THLA HNUOI DEIHLIM (LYRICS)

-UPA NGAMA

1. A thla hnuoi deihlim inhawiah, 
Sandam nauhai la châwl an ta; 
An hmaa chatuon hlimna chu an, 
Hma pha le chun lâwm tâng an tih.

Châwl an ta, chêng zing tâng an tih, 
Hmangaina Lalpa inpâkin; 
Chatuon chenin hlim zing tâng an ta, 
A thla hnuoi deihlim hnuoi chun.

2. A thla hnuoi deihlim inhawiah, 
Ţap le lungngai um ta naw nih; 
Suolna thlipui le thlêmna râl lien, 
A bo tah khawpui mawia chun.

3. A thlahnuoi deihlim inhawiah, 
Rinumna po bo tâng a ta; 
Hringna tuikhura chun insilin,
Vûr nêkin vâr lem tâng an tih.

4. Aw chu hmuna lênghai po chun, 
Khawvêl rinum ngai ta naw nih; 
Vân ţingţang ri mawi leh vân kawtthlêr, 
An fang ruol, Lal Krista rawiin.