HMANGAINA TÂWPKHÂWK ( LYRICS)

-Rev. H.P. Runremthang Doh is F

1. Lalpa Isu mi hmangaina Inthûk le sâng zie ka dâwn chângin, 
Thu le hla in ka puong sâng nawh;
 Lungriem mitthli’n ami’n sil hlak, 
Hmangaina tâwpkhâwk ngei alo nih.

Hmangaina a khawm aw a tâwpkhâwk ngei! 
A mawina po po sâwr kangin; 
A ropuina khawm a min hlân 
Hieng lâwma hmangaina mak le ropui hi , 
Ka theina popo in puong ka ta, 
Thi chen khawmin zuipei ka tih.

2. Ropuina po po neitu le Hnuoi le vân thil iengkim siemtu kha; 
Saruok ngawta hung insiengin, 
Saruok elin fam a chang tah; 
Kei misuol damna ding a lo nih.

3. Pathien nina neizing sienkhawm
 Mihriem hai anga hung insiengin;
 Suok anga hung inngaitlâwmin, 
Thi chenin kraws a hung thlang tah.
 Kei misuol damna ding a lo nih.

4. Damnawhai khawm sukdamtu le 
Mithihai chen khawm keithotu khan;
 Mani insukdam nuon lovin, Thi chenin kraws alo chel tah;
 Kei misuol damna ding alo nih.

5. Hliempui tuora ân rûm lai khawm,
 A hmêlma hai ta di’n a ţawngţai; 
“Aw Pa, anni hi ngaidam rawh. 
An thilthaw an hriet nawh” tiin;
 Hmangaina a khawm a tâwpkhâwk ngei.