HRINGNA THING ZÂR KÛR DIEM DIEM (LYRICS)

-REV THANGNGUR

1. Adam suon-le-pâr lêngna khawvêl, 
Suolna tûrin a fang kum tinin ; 
A ţhat lai ni le a vânglai ni khawm, 
Pâr ang lâwm hman lovin, Hunin a liempui.

2. Hun liem ta hnu’n kîr zai rêl naw nih, 
A pâr tuoi hnung inmûm thar nâwk naw nih ; 
Thara insiengna thlarau-khawvêl, 
Gospel thu’n a hril ie, Krista ngaidamna chu.

3. Ţhuoitu ka ngai, achu hmu dinga, 
Jordan râl tienga mi sie kai dingin; 
Thlarau inthieng, nang hung lêng la aw, 
Buoina sum hlîp kieng la, 
Krista hmêl mi’n hmu rawh.

4. Kâwla khawvar, chunga zîng arsi, 
Hnuoia Saron nêkin i mawi lema; 
I hmêla vân hmangaina pârin, 
Hîp la hnuoi mihriemhai; 
Vân khawpui mi’n tlun rawh.

5. Vân khawpui thar tuola lêng lai khin, 
Khawzîng hnuoia inrieng an um ngai nawh; 
Hringna thing zâr kûr diem diem hnuoiah, 
Nunkhawthara lêngin; Fiertui inthieng an dâwn.

6. Thei ni sienla, ko kîr thei ni sien, 
Ka hun liem hnung kha kokîr ni sien; 
Ama innghila kân vai lai ni, 
A rawngbâwlna dingin, A kimte’n pêk ka nuom.