INTUOKKHÂWMNA NI ROPUI (LYRICS)

-UPA NGAMA

1. An fe pei, an liem pei kum le nihai, 
Kîr zai an hrim an rêl nawh; 
Khawfûr hawktui ang an luong, 
Lâwmlai ni’n pângmuol an khum ta ie.

Intuokkhâwmna ni ropui a tlung pha leh, 
Hmangaitu Lal ropui; 
Lal nunnêm chu inpâkin, 
Halellui, Hallelui, Halleluiah.

2. Khawvêl tuipui inthûk ka pal laiin, 
Ţhangpuitu dang tukhawm ; 
Ka nei nawh ka Sandamtu, 
Min thla naw râl muong hmun tlung hma chu.

3. Ka khuo le vênghai le ka sûnghai lai, 
Hmêl hriet naw kârhla mi; 
Sîngkhuol fe ka châm sûng hin, 
Vân khawpui ngai lai a zuol ngei aw.

4. Hun sâwtnawteah ka tlung ding an tah, 
Hmâr thlipui, Simthli le; 
Tuifâwnin mi nuoi sien khawm, 
Lungawitakin tuor nêm tâng ka ti.”