KANNAN PHAIZÂWL (LYRICS)

-REV THANGNGÛR

1. Kanaan phaizawl Saron pâr mawi, 
Tiena Romhaiin an lo sukthliek ; :
$: Tlângkhuo a ngui ie, Saron an thliekna chu, 
Nunau an inrieng, hliekhutu nei loin; 
An damna Saron pâr an thliek leiin. (2)

2. Saron pâr mawi an thliek hnung kha, 
Ama lungkhamtuhai kuoma chun; :
$: Lili’n a hung pâr an lungril inthimaah, 
An lu chung zâwnah zîng-arsi’n a hung var, 
An sîrah lâwmna rimtui ân zâm vêl. (2)

3. Saron pâr i mawi zo nawh, 
Hmâr tlângpui inthim sûnga hin chu; :
$: Sûmpui a la zîng i pâr mawi hlie dingin 
Nisa’n hung var la, i hmêl hung inlang sien, 
Achun i mawi zie lo hre tâng an ti. (2)

4. Kanaan phaizâwl Saron pâr mawi, 
Judai ramah hung tuoi thar nâwk rawh ; :
$: Zalên an nuom tah thilsiem tinrênghaiin, 
Ngaiin an thlîr che ânrieng hnuoi mihaiin; 
Israel khawmin lâwm tâng an ti che. (2)

5. Aw Saron pâr hmu ka nuom che, 
Vân ropuia i hung pâr ding chu; :
$: Inremna thinga I tliekna hmuna chun, 
Hung inthuom i ta zalênna ropuiin;
Sa le mihriem dorâl bâng tâng an tih. (2)