-LALSANGAWI
1. Lal Isu ka nei china chun lampui chîn hraw ka lo nih,
Ka nuom zâwng thil hai thaw chu a rem ta nawh;
Ka chantâwka lungawiin,
Harsain rinum sienkhawm;
A ditzâwnga um dingin Lal Isun a mi nghâk zing.
Ka hringnun hi aw, a bo pha chun,
Ka tlantu hmêl mawi ditum chu hmu’ng ka ta;
A chun ka hnuoi mittli hi milo hrufai pêk a ta,
Ropui takin lêng ka tih Lal Isu ka nei ta si.
2. Hnuoi hausakna inlalna le ropuina neinaw la’ng khawm
Lal Isu nei ka ta di’n a huntâwk ie;
A hmêlsiet ding ka phal nawh,
A hming chuoi ding ka phal nawh;
Ka iengkima iengkim chu Lal Isu chau hi anih.
3. A harsa ngei khawvêl hi chu lungawina rêng a um nawh,
Insânglemna beiseiin hmun a sip zo;
Ieng dinga ka buoi hlak am?
Ieng dinga ka lungngai am?
Lungawina kim lal Isu ka rochan hlu a ni si.
COMMENTS