BUONGLIENKUNG
1. Hi khawvêl buoina rama hin hringnun ka lo hmanga,
Lungkham bângna ka hmu zo nawh, rinumna chau a nih;
Duamna inpâwngnêkna’n simlei a fang suok tah,
Lawngchâwlna hmun Zion ram khi ngaiin ka thlîr vawng vawng.
Lawngchâwlna khawpui,
Vân Jerusalem chu,
Tlansa hai tuolchaina ram mawi chu a lo ni si,
Ringna lawnga intâwl peiin la tlung ngei ei tih.
2. Ringna in ka hang thlîr vêla lawngchâwlna khawpui khi,
A mawiin a ropui ngei de tlansa hai lêngna chu;
Ramni tla sênglo rammawi chatuona var a nih,
Ei khuolzinna ram ei khêl pha hlimin la lêng ei tih,
3. Chu khawpui a tlansahai leh ei hang inkhâwm pha chun,
Buoina le lungngaina khawvêl ram hi ngaita loin;
Hmangaina le inremna’n lêng kumkhuo tâng ei ta,
Vân Beramte chu inpâkin zai tin rem tâng ei tih.
COMMENTS