LUNGMANTAM KHAWPUI (LYRICS)

PASTOR V.T KAPPU

1. Ka va ngai ngei ei chatuon ram, 
Le lungmantam khawpui chu a sîp zum chu; 
“Nisa nêkin a var lem” an tih, 
Hmu ka nuom ngei Lalpa rûn rem; 
Vân mihai lêngna.

2. Vân in mawi panna zalampui, 
A sîra lêngkîr leiin boral kân lau; 
Kei ka suola ka hrât naw leiin, 
Vân Kanaan ram mawi ropui chu; 
Chân ka va’n lau ngei.

3. Lalpa, I thlarau ţhuoi naw chun, 
Tu’n am hung tlung thei an ta? khawvêl ram hi; 
Thlarau boralna ram a ni si, 
Ringtuhai chungah aw Lalpa; 
Suolin a thla a zâr.

4. Hnêtuhai chu an Pa ramah, 
Nisa nêka var lemin la lêng an ta; 
An khawvêl lungngaina le buoina, 
An lâwmna dingin pâr an ta; 
Ţuoi ni nei naw nih.

5. Lêng ka nuom ngei vân rûnpuiah, 
Ei chatuon châwlna ding chu a va mawi ngei; 
Ei Lalpa’n a siem Salem khawpui, 
Lêng ve inla eini hai khawm, Lungngai nâwm ei nih.