PA THUNUNNA (LYRICS)

-REV THANGNGÛR

1. Pielral nisa ka lungrilah a hung var tah, 
Ka thla muong leia kal châwiin; 
Ka rinumna lâwmna’n a hung pâr, 
Pa thununna ka tuor muolsuo zovin.

Pathununna ka tuor laiin, 
Lungriem mithli’n aw a mîn sil nitinin; 
Ka hrietthiem ngai nawh, 
Ka pa hmangaina.

2. Thununna hlaw lo khawlai nau hi chu kân nawh, 
Kân siengna Lal thisen a nih; 
Suol rawngbâwlin inhmang ka ti maw, 
Chatuona hlun ding ka Lal sin naw chu.

3. Ka ta dinga hring laiin ka lâwm ngai nawh, 
Ka Lal Krista kona anga; 
Isak maichâmah ka inhlân chun, 
Malsâwmna tuikhur lâwmna’n a hung luong.

4. Mansuol khawpuia hin hmun le ram ka nei nawh, 
Ka Lal Krista an hmusitna; 
Phurin khawkâwl tieng fêng ka tih ie, 
Salem thara khin hmun la chang de ning.

5. I ta ka nih min nghil tir naw, ka Lal Isu, 
I hringnain min hring tir la; 
Damlai thlalêr kân zin sûng hin, 
Ka kalchawi tin hi i thu ni raw se.