UPA L.MUONVEL
1. Lalpa I remruot dân hai le
I rorêlna hai hi kan dâwn chângin,
Mihriem ditthlang thei ni si lo;
Kan tuok po hi lungawi pei tâng kan tih.
Pathien ngaisak hi lungawina thang chun,
Hlâwkna nasatak a ni hrim a nih;
Lalpa neitu danglamna chu,
Iengkima lungawi theina hi a nih.
2. Thil hung tlung ding dang ruol an nawh,
Rorêltu Lalpa thu a ni sih a;
Ei thuneina thanglo hmuna ei la buoi chun;
Nun sâwlumtak ei nih.
3. Iengkim kan tuok ta po hai hi
I tirko ropui tak ni pei raw se;
I malsâwmna’n inchang pei sien,
Kan tuok po a chun lâwm lem tâng kan tih.
4. Lungawina Krista Ka nei hi,
Hnuoia rothil nek khawm a hlu lem chu;
Khawvêlin a pêk ve theilo;
Chatuon chena lungawina kim a nih.
COMMENTS