TAP HLA KAN REM (LYRICS)

-PASTOR V.T KAPPU

1. Ringin vân khuo ka hang thlîra, 
Khawvêl rinum tuor zohai chu, 
Innui sieu sieuin ka hang hmu; 
An lâwm hla le an rimawi chu, 
Ni tin nghil lai ka nei thei nawh.

Mi zuk en ta vân Lal thienghlim, 
Mi lungsietum le hrâtnaw hi; 
Suolin hrêngthîr a mîn bun hi; 
I ram hung tlung hi nuom lang khawm, 
Thimna le lungngainahai hin, Ni tinin an mi bâwm.

2. Inhawk thua tlung thei ka'n nawh, 
Ti i mîn lo inhriettir hin; 
Lungriem a mi hung thlâk hlak, 
Tlung kâr ka ngâkhla lei a nih, 
Lalpa i ram thienghlimtak chu, 
Ngaiin ţap hla ka lo rem hi.

3. Iengkim ka hang ngaituo hrim hin, 
Kân riengzie ka lo inhriet hlak, 
Kan ţap khuo seina ding chauvin; 
Ţap lai nau anga innuina, 
Khawvêl hin ka hmu zo nawh, 
Ngai naw thei che hi kan naw maw?

4. Ţap lai nau ang innui naw ning, 
Lalpa, i mi hung ţhuoi hma chun, 
Ka lungkham vânah bâng de ning, 
Ka umdân khuo’n a rêl hma chun, 
Vânram tlung kâr nghâkhla lang khawm, 
Lalpa, tlung thei ding kan naw maw?

5. Khawvêl rinumtaka khawm hin, 
Lalpa i mi hung umpui chun, 
Ieng di’n am lo lungngai ka ta? 
I mi umpui ti ka hriet chun, 
Ţap lai nau anga innuiin, 
Khawvêl rinum ni kân tawi hlak.