TRAP IN EI IN THRE NAWK TAH (LYRICS)

1. Ei lungdit tak, ei lâwmna tak, A hung pâr eini la; 
Lungchim taka ei lâwm hmain, Ţapin ei ţhe nâwk tah.

2. Mihriem ngaituo zo ruol lovin, A hung pâr mawi takin; 
Hi khawvêl suol khal ding chul dingin, Lalpa’n a phal ta nawh.

3. Ieng dingin am lungsiet ei ta, A Pa kuom tlung ding chu; 
Vân ram tuol inhawi lêng di’n, Angelhai lo lâwm ding.

4. Tuhin ţapin the inla khawm, Lâwmin tuok nâwk ei tih; 
Chatuon hmun inhawiah lêng di’n, Lungngai tuor ta lovin.

5. Aw a râwl rî le hlim hmêl mawi, A mi suklâwmtu kha; 
Ţap ţapin ka ko kîr zo nawh, Thinain a ţhuoi tah.

6. A va hlu de! Lalpa hming hi, Thuin kan pâk sêng nawh; 
A hmangaihai khawvêl lungngai, Rinum chungah an lêng.

7. Thina, thinaah an ngai nawh, Lalpa hmangaihai chun; 
An vân khawpui kawtkhâr a nih, An pa hmêl an hmûna.