Fox Journal, KOLKATA, MARCH 31: Vawisun chawhnung khan Kolkata hmarsak tiengpanga mi Ganesh Talkies (Girish Park) bula mipui tamna hmun BarraBazar khawpui sunga Vivekananda flyover bawl lai mek chu a chim thuta, mi 10 neka tam an thi taa, mi 150 lai floyover chimin a del a intang an la um niin National news a hai chun tarlang a nih.
Amiruokchu, Posta Police Station a Police Officer chun nuhmei pakhat, pasal pali haiin hringna an chan taa, mi 35 vel hospital pana tlanpui an ni ta a, mi zakhat neka tam an lan tang a ring thu The Indian Express palai kuomah a hril.
Kangmei țheltu (Firefighters) hai le hi lai mipui hai chun an theitawp suoin țhangpuina sin an thaw mek a, flyover chimin a idel hai sansuok tumin țhang an lak mek.
West Bengal Chief Minister Mamata Banerjee khawm flyover chimna hmun a tlung taa. Indian Army hai Medical Team pathum, surgeon le Nurse, Army a inthawk bawk Engineer Team hai khawm a hmunah hmangruo țha leh an um tah. NDRF team hai khawm sansuokna sin thaw dingin a hmun an tlung ta bawk.
Vivekananda Road flyover hi Kolkata Metropolitan Development Authority (KMDA) project, ₹ 164 crore project zo hnai tieng pang, kum 2009 a bawlna sin țan a nih. Hi flyover bawl dan design vel khawm hi hi lai hmuna cheng haiin an lo sawisel ta hlak hrim a nih.
COMMENTS