RACE FOR THE WHITEHOUSE 2017 (PART I)! (REPUBLICAN PARTY/GOP)

US Presidential Election chu tu kum November 18 (2016) a um ding chau nisienkhawm ri a nasa ta hle a khawvel ngaiven a hlaw hle ti khawm inhmai ruol an naw bawk. Hieng lai zing hin Republican le Democratic Party hai chun an Party Nominee zawng na'n Primaries le Caucuses State dang dang a an nei zing, a zo ruok chu an la zo chie naw khawmin ngaidan siem thei phuor an tah. Leh, a heading a Republican Party ti a inchuon a ni ang bawkin Republican Party or Grand Old Party ti a hrietlar chu hi Post a hin hang thlur bik ei tih.

Republican Party a'nthawk a Presidential Candidate po chu mi 17 anni a, tu ruok hin chu mi 3 chau anni tah. An Party hin an Nominee ding zawng na'n Primaries le Caucuses State dang dang a nei a ni ta a, vawisun chen (Easter Sunday) a Delegates hmu dan chu Donald Trump (739 Delegates) hin hma a thuoi. Republican Party Nominee ni ding chun 1237 a ngai a, 944 Delegate hmu thei ding a la um bawk. Chu umzie chu Donald Trump hi GOP Nominee a ni ding chun Delegates 944 a hin 55% vel a hmu a la ngai.

A dawttu Ted Cruz hin 461 Delegates a nei ve thung ta a, chu umzie chu an Party Nominee ni ding chun Delegates hmu ding um po a khin 86% vel a la hmu a ngai. A pathumna a um John Kasich hin 143 Delegate a hmu ve thung tah. Chu umzie chu beiseina a tlawm el chau khawm ni ta loin Delegate hmu ding um po po khi hmu sienkhawm a tling chuong ta naw ding leiin Political Observer hai chun an hnuk dawk vat an ring tah.

Strong point of GOP Frontrunner(s):
Tulai khawvelin a buoipui em em war on Terrorism hi an election manifesto lai a pawimaw tak ti thei hiel khawpin an ngaipawimaw. San Bernadino (California, US), Paris (France) le tulai hnai el a Brussels (Belgium) a thil tlung hai hi nasatakin advantage in an lak. Chu umzie chu US a Independent Voters (39% of the American Population) le Democratic Party affiliate hai hin National Security hi ngaipawimaw lei a vote an thlak ding a ni chun GOP Nominee ie Trump/Cruz hai hi anni phawt chun next POTUS chu Republican Party a mi ngei ring a um.

Weak Point:
An Party Frontrunner hieng- Donald Trump le Ted Cruz hai hin hnena chang tum ngei leiin personal attack chau dittawk ta loin an Nuhmei hai chetsuol na chen a mu mu a inkhe el hai ang kha an thaw leiin a chau lem lem hin a hrat lem hi a support ring a um naw bak a, an supporter hai khawmin a hrat lem hi an vote kher di'm ti chu ngaituo khawp a tling.

Annawle, Delegates hmu ding zat khi Trump le Cruz haiin hmu naw thut hai sien te?
Republican National Committee (RNC) in Convention nei a ta, chu lai a tha an ti tak chu an Party Nominee ding a nih. Chu umzie chu Delegates hmu rawn hin thu a phur lai zingin an Party'n a ditsak sak kha Nominee ding ti na. Chuleiin beiseina tlawm lei a lo inhnuk dawk ta hieng- Dr Ben Carson or Jeb Bush hai khawm hi GOP Nominee an la hung ni thut thei zing.

Inset:
#1 Whitehouse
#2 Donald Trump
#3 Ted Cruz

PS: US Presidential Election hi chu khawvelin a ngaiven el khel a US Prez hi khawvel a thilthawtheitak ti hiel a ngai a um na chin a um leiin ei Group a khawm hin thei ang angin ei update tum ding a nih, ti chu ei member hai kuom a ei puonglang ni rawseh!

*Part II a dingin Democratic Party hai ei hung ziek tum bawk*