Fox Journal | Ahmedabad, Apr 18: Tiemchin um lovin Mehsana hmuna Bandh ko a ni a, Bandh ko a ni lei hin Ahmedabad, Mehsana, Surat, Sabarkantha, Banaskantha le Rajkot a hai Mobile Internet suktawp vawng a ni bawk.
Zanita Patidars haiin Mehsana hmuna Jail Bahro an khekpui le inzawmin boruok a sosang a, Mehsana hmuna hin Curfew puong a ni ta bawk. Police le District Official hai thangsain mi 100 neka tam lunga indengna le Lathicharge leiin hliem an um tah.
Jail Bharo hi Sardar Patel Group haiin an hnam ta dinga reservation le an hotu jail a intang hai insuo zalen dinga an hninaa hi thil hi an thaw a nih. Group dang tho Patidars ta dinga reservation hnitu the Patidar Anamat Andolan Samiti hai khawma an thlawp a nih.
Union Home Minister Rajnath Singh chun Chief Minister Anandiben Patel chu hi thil ngirhmun sukfel dingin a hril a. CM chun state sawrkarin inremna le muongna a umna dinga a hmalakna chu a dawnna in hril.
State sawrkar chun buoina hmuna hin Rapid Action Force Company pali tirlut dingin an singsa mek a. Centre kuomah CRPF Company 10 inralring tir dingin a ngen sa nghal.
COMMENTS