ALA’N HNU NAWH



By H Zate

Vawisun hin Par hlui chulin lo tuoi ta hai sienkhawm, par thar hung par hin an vullai a min nghil tir chuongnaw a, chunek chun, a min ngaitir lem a, H.S.A par chuong ve dinga a kumum lo siemtu hai kha inpak an um a, anhmel hmu tanaw inla khawm ei hrietzing anih. Pawl ropui H.S.A indin nachang an lo hriet hi lawm a um a, inpak an um takzet anih. An ni leiin Hmar hnam chun pawl ropui takel Hmar Inchuklai Pawl (Hmar Students’ Asociation) ei nei thei a. kum 75 hmel ei hei hmu a, theichangsien, anni leh hmiltakin hmangza inla ti chu duthusam anih, sienkhawm le, duthusam hin sam luot a neinaw angin duthusam po po hlak a hlawtling vawng sinawh,  vawisun hin an inpekna ropuitak kha inzana chibai ei buk tak meu meu anih.

Thuvar pakhat chun ‘Better Be Late than Never’ a ti a, hi thu hi Kan khuo a lampui sirah B.R.O (Border Roads Organisation ) haiin an tar a, ka hrawtleng zat hin ka tiem hlak. Thawnaw nek chun inhnuk khawm a thalem tina ni el ata, anachu, hi taka an thiltum (lampui sira an tar san) chu ‘inhmawttaka Lirthei khal a tumram tlunglo a changsuol nek chun muongmara tlan a inhnu deu a tlung khawm a pawinaw lem ‘ an tina a nih. Hi thuvar tak hi anih tuta ei thupui ding chu.
Pawl ropui H.S.A hi a pieng tir a inthawk Inchuklaihai elkhawm nilovin Hmar Hnam pumpui tading a innghatna a lo ni hlak a, la ni pei ding khawmin ei beisei bawk. Sienkhawm, tulai hin thuoitu le nina inchu, thuneina le hamthatna inchu a ei tlan ta hi a pawi takzet a, a mi ring em em tu hai khan an mi tin san zo ta a, nina dit lei am ani, ei umna biel tan lei ringawt a a phunaw le awmnaw hai ei tan el dam hi thil thawnaw chi tawpkhawk anih. Mizoram a pawl ropui le miin an inza em em Y.M.A le M.Z.P hai hi en ta, thawsuol anneinaw bik chu ka tinawh. An hratna san chu ienglei nilovin tlungpui a thuoitu niding chun a hmun nghak a ngai anti tawpna hi anih. Gen.Hqr a thuoitu niding chun Aizawl khawpui a u kher an hei ti a, a thatnawna chu lo um de sienkhawm, a thatna tamtak a um. Thuoitu hai awlsam deuin an inhmu thei a, rikruk (emergency) thilah inhmukhawm an hawi a, sum tlawmte sengin an inhmukhawm thei a, inhmukhawmna ding hin  H.S.A OB, CEC le Executive Council Vawi 1 a ei sum sengzat khawm hi kumkhat hin an hmang phaknaw el thei anih.

Chuelkhawmchu ani le, Gen.Hqr a thuoitu ding chu University a inthawk a Graduate ngei ani ding anih’ anti ngam ngat hai dam hi, Sub-Hqr, le Headquarters a thuoitu ding chun inchukna in a hmingziek/inchuklai  ngei ani ding anih’ an ti ngam hai dam hi a ropuiin entawn tlak anih. Thuvar chun’Naupang chu a thilthawsuol a inthawk anchuk hlak’ a ti a, naupang elkhawm nilovin mitin hin ei thilthawsuol aninaw khawmin mi thilthawsuol a inthawkin ei inchuk hlak a, thawro, mi thawsuol le thawthat a inthawk hin inchuk ve eitiu. ‘Hnam dang dantha hai la ve eita, an dansuol thik lovin’ ti ani kha.

Mitin hi changsuol thei le kalbi sepsuol thei ei nih, vawikhat ei sepsuol lei khan ei suol ran ding tina ani khernawh. Sex tape leia muolpho hai hman insiemtha in pasal thatak annei a, sungkuo thatak an indin thei chun iengleiin am H.S.A kum 75 val hi bel val vala a val ve ringawt ding. Nilove, ni mawl love, H.S.A hin that tieng a pan ding anih. Inchuklai Pawl tizing si a Sin eihai pawl ang el a ei umna dam hi nakie le chun la bansan ei ta, Ka ruolpa in “ Zate, hmar putar hai hin ‘Ka theina a tlawm, midang a thalemin chel taraw hai se’ tingainaw ni hai ” a mi tipek hun hi la liem ata, Inchuklai Pawl chu inchuklai ngeiin keithuoi anta, chu inchuklai ngei chun an chuklai chanpui hai harsatna hrein ngaiven ata, chu huna chun Hmar Inchuklaihai hin hi pawl ‘H.S.A’ hi anta anizie la hung hrie anta, H.S.A hai ti taloin anni hi H.S.A annizie la hung hrie anta, chu huna chun H.S.A hi tiena tlanga mithiem tamtakin an lo indin H.S.A ngei kha la hung ninawk ngei a tih.

Kan zinna hmun pakhat a chun Poster a lo intar a, chutak a chun ‘ Bawia Pa, bawia, bawinu leh nghakhla takin kan lo thlir zing che, damtakin in hung tlung rawh aw’ ti hi an tar a, hi thu hi H.S.A hin ei hriet zing a pawimawh. Ei hnam ei Ram hin nghakhlatakin a mi thlir zing a, lampui changkhat a petsan a, nawmsipbawlnaa lutsan hman eini nawh, hnam nghakfak inchuklaihai eini a, ei hnam hin hlawtlingna le a in ei tlung kar nghakhla takin tlumte thlirin a mi thlir a, ei nuomna le inhawitirna a pensan hman eini nawh. 3 Idiots film a ‘ enta, i ruong an hmu pha a an innui hel danglam dingzie hi’ a ti ang khan, enta, ei hnam, a rawng ei bawl inphat a, mani hamthatna le inhawitirna a ei tlansan pha a Ei hnam innui hmel danglam dingzie hi.

A tawp taka ding chun, mitin hin thawsuol ei nei a, suksuol theivawng einih. H.S.A khawm hin thawsuol le petsuolna tamtak lo nei mei ei tih, chuonghai po po chu inchukna a hmang a, indawmkun el lo a, insiemthatna a hmang lem ding ei nih. Theitawpsuo a a rawng ilo bawl hlak i hnam in amamaw che ti hre la, i hmingthatna le par ang i vullai hai a chuoi e dingin i phal am ani? ‘H.S.A, H.S.A ‘ tia an ko laic he hin in dawmkun el ding am ani, kum tamtak dam dingin in singsa la, nangma a ringna innghat hlaktu hai khawm an hungtho nawk ta hi, Tho la, ngir rawh, H.S.A, Mi u haiin raltieng an kai hma ngei hin, har la, ngir rawh, kum 75 invawi ta sienkhawm siemthatna dingin khuo alan hnu nawh.

Ni 12. November 2014
Silchar
http://hzate.wordpress.com/

8974146273

COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: ALA’N HNU NAWH
ALA’N HNU NAWH
https://1.bp.blogspot.com/-jzvlpGxbKo8/VyCUG94tZlI/AAAAAAAAAdk/KmU94BoGNj8FjEB75xi-QE-QkpODk23dwCLcB/s320/clock_fbblog.jpg
https://1.bp.blogspot.com/-jzvlpGxbKo8/VyCUG94tZlI/AAAAAAAAAdk/KmU94BoGNj8FjEB75xi-QE-QkpODk23dwCLcB/s72-c/clock_fbblog.jpg
FOX JOURNAL
https://www.foxjournal.in/2016/04/alan-hnu-nawh.html
https://www.foxjournal.in/
https://www.foxjournal.in/
https://www.foxjournal.in/2016/04/alan-hnu-nawh.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy