Fox Journal | Imphal: Manipur a Congress MLA 20 bawr haiin an mawrna angin CM O Ibobi a Ministry chu tuta thla sung hin sawi danglam ngei a ni beiseiin a um a. Minister post 4-5 lai chu sawi danglam dinga ring a nih. Tuhai am tla in tuhai am Minister a sie lut an ni ding ti hi chieng taka hril thei a la ni hri nawh.
Thu dawngna ringum takin a tarlang danin CM O Ibobi, Deputy CM Gaikhangam le ruot thar hlawka um President, Manipur Pradesh Congress Committee, TN Haokip hai chu New Delhi ah Ministry sawi danglam ding chungthua AICC High Command hai an inhmupui hnungin zani hmasak khan Imphal an lo hung kir tah. Minister 4-5 vel peithlak an ni ring a ni a, Ministry sawi danglamna hi zing April 12 khin beisei deu a nih.
A lawm pawl, a lawmnaw pawl, thlem lungawi tul zinga um chu Ibobi angsungah an kat nuk ding an ta hi.
COMMENTS