Barclays Premier League kartawp inkhel Thlirlawkna- Written by Kaprivung

Tuta kartawp inkhel ding hi Gameweek 34 na a lo ni tah a. Thil inchikthlak pakhat chu kum 6 hnunga a vawikhatna dingin ni 6 sung, Inrinni a inthawka Ningani chen, inkhel a um ding a nih.

Machester United, Everton, Newcastle, West Ham, Arsenal, Watford, West Brom, Crystal Palace le Liverpool hai hin tuta kar sung vawhni seng inkhel an tih.

Thawtanni chena inkhel ding hai lo thlirlawk phawt ei ta, vel nawk le chu khel tienga in khel ding hai ei hung thlirlawk nawk ding a nih.

Fixtures:
Saturday, 16th April 2016:
Norwich V Sunderland
Everton V Southampton
Manchester United V Ashton Villa
Newscastle V Swansea
West Brom V Watford
Chelsea V Manchester City

Sunday 17th April 016:
Bournemouth v Liverpool
Leichester v West Ham
Arsenal v Crystal Palace

Monday 18th April 2016
Stoke v Tottenham

Tuesday 19th April 2016
Newcastle v Manchester City

Wednesday 20th April 2016
West Ham v Watford
Liverpool v Everton
Mancherster United v Crystal Palace

Thursday 21st April 2016
Arsenal vs West Brom

Saturday, 16th April 2016
Norwich vs Sunderland: Relegation Zone a um ve ve Norwich le Sunderland hai hi an inhnetawk vieu dinga ring ani a, Norwich hai hin Sunderland nekin points 5 in an hau lem leiin Sunderland hai ta ding chun Relegate an ni naw na dingin hrat ngei ngei a ngai a nih. (5:05 pm, Live on Star Sports HD2 & Star Sports 2).

Everton Vs Southampton: Kum thar a European Competition a inkhel tum Southampton hai hi Everton in lo mikhuol an ta, Saiths hai hin Goodison Park ah an inkhel nuhnung 10 hai ah hratna an la chang der nawh a(D2, L8), sienkhawm tulai hnaiah Everton hai khawm an home a zawnin vawi thum an lo hratnaw ve ta bawk. An in draw dinga ring a nih. (7:20 pm, Live on Star Sports HD4 & Star Sports 4).

Manchester United Vs Aston Villa: Kar hmasak khan Spurs hai lakah 3-0 zetin lo chau hai sien khawm, FA Cup ah West Ham hai an hneban leiin United hai hin Aston Villa chu an hnesaw vieu dingin an lang. A zawn a vawi 15 lai hratna chang talo Aston Villa ta ding chun Prmier League a um beiseina a um ta nawh. (7:20 pm, Live Star Sports HD2 & Star Sports 2).

Newcastle Vs Swansea: Rafael Banitez a rawi hai hin season tharah Premier League an la um nuom a ni chun vawiruk inkhel ding an la neia hin hrat ngei ngei ngai vawng niin an lang tah a, Kane(11) le Aguero (10) ti lova Premier League a kum 2016 sunga goal thun rawn tak Sigurdsson(9) le a ruolhai hi St. James Park ah an inkhel nuhnung pathum hai an la hrat vawnga, sienkhawm vawizana inkhel ah hin chu Newcastle hai an hrat lem dinga ring a nih.

West Brom Vs Watford: Karthara FA Cup Semi Final Crystal Palace le inkhel ding Watford hai hin an player tha tamlem an inchawltir ring a ni a, season intantir a chetha em em Odion Ighalo le Troy Deeney hai kum 2016 antan a inthawk goal thun tieng an chesie em em ta leiin an danger bek ring a um naw bawk. West Brom hai hrat lem dinga ring a nih.

Chelsea Vs Manchester City: Tulai hnaia revival chang thar Chelsea hai hin Guss Hiddink enkawlna hnuoiah Stamford Bridge a hranaw an la nei thak naw a, Champions League Semi Final inpetkai zo hlim City hai khawm top four a zo tei tei an lungril ani bawk leiin inkhel hmu nuom um tak ni dingin an lang. (9:50 pm, Live on Star Sports).

Sunday 17th April 2016
Bournemouth v Liverpool: Europa League Semi Final kaina dinga Borrusia Dorthmund laka comeback ropui tak min hmutirtu Liverpool hai chun hrat sunzawm pei tumin Vitality Stadium an pan ngei ring a um. Ana chu an defence line a phui tha tawknaw deu niin an lang leiin goal an insuo chu ring a um. Cherries hai hin Liverpool laka hratna an la chang der naw leiin an hne chu ring aum bek nawh. (5:50 pm, Live on Star Sports HD2 & Star Sports 2)

Leicester v West Ham: A zawna vawi 11 zet starting line up pangai ringawt hmangtu, Permier League hmathuoitu Foxes hai hin title an lakna dingin vawithum hrat char an mamaw tah a. An inkhel nuhnung panga a vawikhat char hratna la chang(W1, D2, L2) Hammers hai hin season intantir laia beisei an nih. (5:50 pm, Live on Star Sports HD1 & Star Sports 1).

Arsenal v Crystal Palace: Kar hmasaka Boleyn Ground a hratna an chang zo tanaw leia title la dinga beiseina nei talo Arsenal hai ta ding chun kar thara FA Cup semi-final inkhel ding Crystal Palace lo mikhuol chu huphurum ni dingin an lang nawh. Iwobi, Sanchez le Ozil hai an inkhel tha phawt chun Arsenal hai hrat lem dinga ring an nih. (8:20 pm, Live on Star Sports HD1 & Star Sports 1).

Monday 18th April 2016

Stoke v Tottenham: Kar hmasaka Anfield a hratna chang zo ta lo Stoke hai ta ding chun United laka hratna chang zo hlim Spurs hai zuk intawkpui chu huphur um vieu dingin an lang. Shaqiri a ruolhai hin Kane le Alli hai themthiemna an tukdei hne ring a um nawh. Spurs hai an hrat ngei ngei dingin an lang.