Fox Journal: Anti-Corruption Bureau of Central Bureau of Investigation (CBI) chun Former Regional Institute of Medical Sciences, (RIMS - Manipur) Director pathum le Former Head of Department, Radiotherapy, RIMS hai chu RIMS a ding fund hmang suol/indiknaw tia intumin Special Court, Imphal West ah Charge-sheet an thelut khum.
Hi charge sheet hai hi 173 CrPC Special Judge hma ah, Imphal West Court hnuoia PC Act 1988 under Section 120-B r/w 420 le under section 13(2) r/w Section 13 (1) (d) of PC Act 1988 hai hnuoia thelut a nih.
Chargesheet thelut khuma uma hai chu former Director of RIMS, Dr. Lallukhum Fimate, former Head of Radiotherapy Department, RIMS, Dr. Thoudam Tomcha, former Director of RIMS, Professor Sinam Sekharjit, Pishum Leirak, former Director, RIMS Shahid Hussain, Amandeep Sethi, Managing Director, Kirloskar Tech Private Limited, Noida Uttar Pradesh le M/S MDS Nordion, Canada, a CEO Scott Macintosh fethlenga Best Theratronics of Canada le a Director Cricsianu le Indian Agent M/S Kirloskar Tech Private Limited, New Delhi.
Ei thulaknain a tarlang danin ex-Directors, RIMS hai le HoD Radiotherapy, CBI in charge khum hai hin mimal hriet ngailo hai le thangkawpin an nina hai hmangsuolin private firm M/S MDS Nordian Canada in India besana a dealer M/S Kirloskar Theratronic Private Limited le a Regional Manager hai thangruola telecobalt machine Rs 2.37 crore manhu bawr vel an inchawk niin a hril a. An hril peina ah chun hieng ang khawl angpui tho hi M/S Panacea Tech Private Limited, Bangalore hai ta Rs. Vaibelsie 1 (1 Crore) in a um.
COMMENTS