 |
| Nk. Dr. Lalmalsawmi Ralte (Mami) |
Fox Journal | Aizawl, Apr 11, 2016: Nk. Dr. Lalmalsawmi Ralte (Mami), Vaivakawn, SEAMS Missionary to Cambodia ding chu zani zan Sunday April 10 khan an khawmna kohran Presbyterian-ah Rev. Lalsangbera'n rawngbawl dinga tirsuokna hunser a hmang. SEAMS Hqrs' Aizawl thuoituhai khawma inhlana hun an hmang nghal.
Mami hi April 16 khin Cambodia tlung dinga ti a nih. Ama hi ringna tak taka pensuok niin, Aizawl a Hospital 2 a thawkna a inthawkin a bang a, a hun po poa Pathien rawngbawltu ni dinga inpe an tah.
South East Asia Mission Society (SEAMS) hin abik takin "Buddhist World" target-in, Vietnam, Thailand, Myanmar, China le Cambodia a hai missionary 20 bawr vel a nei mek.
SEAMS hin "Tent-Making Ministry", Paula rawngbawlna ang chi fe puiin, khawvel hmun dang dangah rawngbawl pei tumin thang nasatakin a lak zing. (MSR)
Hi nunghak lekhathiem Dr. meu nisi a a hun nei po poa Pathien rawngbawltu Missionary ni dinga anpekna hi a ropui hle a, ngaisang a um takzet. Rawngbawlna ditum le hlawtling tak nei dingin Fox Journal sungkuo chun ditsakna insang tak an hlan.
COMMENTS