EI TULAI KHAWVEL ~ Tv. David Paultinkhum

0 Unknown Sunday, 3 April 2016

Ei tulai khawvêl hang ti el hin thil tamtak kâwk thei a ta; chun topic dang dang khawm hrilseng lo ziek ding aum ring a um. A sie a \ha khawm tamtak um a ta, a topic hi a lien bêk leiin hrilthiem khawm a harsa ding hrim a nih. Nikhat chu field a ball pet ena ka ngir lai chun mi pakhat hi ka bula a hunga, ama kha mi tamtak ring dan le hmu dan chun chuong em em a mi rawnkai le hrilkai chu a ni nawh. Amiruokchu, a thil hung hril le thurawn ami hung pek hai ruok kha chu amaa ding chun a ropuiin ring bâk zetin a hlu t^wl chu tie! Chuongang bawkin nikhat chu kan inah mani tawka inti-var ve tak le mani inringzo tâwk takel hi a hung lenga darkar khat vang kan hohlim naa chun a thuhril hai kha hang hlawkpui ding le hang \angkaipui ding chie hrim hrim umin ka hriet nawh.

Chu nêk hmanin mi natna ding le mani thiemthu inzâwt ngawt a thawin ka hmu lema; insuk thlaraumi ve tak nisi khan a nina tak kha a hrietnaw mani ding ti theiin a um. Mani thiemthu le mi natna ding hril hi thlaraua umhai tading chun an thaw hlak dingin kalo ring ngainaw bawk. Khanghai pahni mizie a inthawka ka hmusuok pakhat chu ‘mi kuhi ei ring ang vawng kuhi anlo ni naw khawpel’ ti a nih. Mi mawltak khawm Pathien thlarauin a \huoi chun mivar tak angin an umtir theia; chuongang bawkin mivar a inngai hai khawm tisa thilin a chênchil pha pha chu invet \awngin an \awng el hlak. Pathien thua mi a umnaw pha chu ei lo \awngsuol rawp hlak chu nih. Tulai khawvêla hin chu mani tadinga ham\hatna le mani hmasielna in nasatakin ram a lak mek leiin Pathien thua naw chu inhnêmna ding tak tak hi a um meu ta nawh.

Pathien thu khawm hi tulai deua keikawi ei tum ta peia; Pathien thu hi a hringa thil a thawthei leiin a danglam nawa a pangngai zing bawk. Ei remchang ang le ei rîlrem zawnga keikawia pawmzam el chi an nawh. Mihriem varna hmanga Pathien thutak hrilfie le hrilmawi ei tuma mi’n an fak thei tanaw tieng deu chu a ang tah. Pathien buona \awngtai nekin ei thiemna le varna hai ei suonga ei hlawsam mêk bawk.

Ei mawphurna le chanvo hai hlak hi a bu kimna dinga thaw mei mei ang deuin ei inngai tawl tah a; ngaipawimawna le tumna tak tak ruok chu ei bahla deu deu. |huoitu ni nuomin \henkhat chu ei inlap rak raka ei kuong lo ding chen ei nawr phaa chutaka chun a rasuok chu inremnawna le buoina a nih. |huoitu ni hi inhâwk taluo ding annawa; mi’n \huoitu dinga ringzo taka an thlang or ruot ini chun chu mawphurna chu i theitawp suoin sukpuitling tum rawh. Pathien khawma i thei bâk chu a phût naw che. Mani hming inlangna ding le hming \hatna ding chen chara mawphurna hlentu ini chun mi lungsietum ning i tih. I thilthaw a sie a \ha hmutu Pathien a um a; mihriem hai hin chu ei suksuol hi an hmu nuom bîk mani ti dingin aum hlak. Thil \ha i thawa mi inpak le hril ilo hlaw naw khawma Pathienin a hrietzing chea tosan el nawni che. I thil suksuol kha mi hai lakah chu i thup thei elthei anachu Pathien lakah chu thup thei hrim a um nawh.

Tulai khawvela chu a \awngthei deu le a zakmaw deu haiin thiem an changa an hlawtling deu deu mani ti thei an tah. Amiruokchu ei hrietzing ding chu vangnei anhnu naw ang bawkin vangduoi le piengsuol khawm an hnu nawh. |awngthei mana thiem i chang nekin \awngtlawm leia i thiemchangna ding sukhnûka aum a khan lawm lem hlak rawh.

Chuleiin tulai khawvela ding chun \awngdan le ch^ng dan haia hin mitin ei fimkhur a pawimaw zuol deu deu ding a nih.