Fox Journal | Kollam: Computer tieng thiem mi kum 20 mi chun Facebook a inthawkin Lakh 7 a dawng. Arun S. Kumar, MES Institute of Technology and Management, Chathanoor a inchuklai chun hi pawisa pek a nina san chu Bug, nasataka Facebook suksie theitu ding a hmusuok leia an pek niin a hril.
Pangngai taka ni dang anga hun ka hmang lai a ni a lookaside.facebook.com ka hmu hi. Hi ka hang enzui pei chun hi domain hin iemani infuknawna hacker tuin amani Facebook user account awlsam taka a neitu hriet lova minute 10 sunga a ruka lut theina chu ka hmusuok ta a nih ti'n a hril.
Hi hrik hi March a kha ka hmusuok an tah a, facebook thuneituhai hai chun an la pawm vat naw a, vawi tam inhriettir an ni hnungin an hung dawna an hung siem tha tah a nih tiin Arun chun a hril a.
Arun chun a hrilsa peinaa chun hi hi Facebook a inthawka chawimawina a dawng vawikhatna a ni naw thu a hril a. Kum 2014 le 2015 khan Facebook Hall of Fame ah Facebook security infuk naw a hril leiin a hming sie lut a lo ni ta bawk a nih.
Ama Arun hi Mundakkal khawsuok, PS Sureshkumar le Nagalakshmi K hai nau a nih.
COMMENTS