~Lalbelsang Infimate,Chief Admin FJ.
India Sawrkar in an pêk Driving License hi India ram a cho naw khawm Foreign rambung thenkhat a hai khawm hmang thei ani ti hi i lo hriet ve ta hlak am?? I lo la hriet naw chun a hnuoi a hai hin hmang thei ani.
GERMANY: Hi rambung a hin IDP(International Driving Permit) nei a tul naw a. Indian Driving License(IDL), German translation in i nei chun hmang thei i tih.
SWITZERLAND: Indian License i nei chun hi rambung a hin kum khat sung i license kha hmang in motor khal thei i ti.
SOUTH AFRICA: Hi tak a khawm hin IDP nei a tul naw a, sienkhawm company thenkhat ruok chun i Indian License le khan hni an ti che.
UNITED STATES(USA): Hi rambung a khawm hin a sawrkar chun a ram sung i nuom na hmun hmun a i valid Indian Licence hmang in motor khal an phal ani. I-94 form a copy khawm i chawisa rân ngai a ti.
NORWAY: I Indian License kha hi rambung a hin thla 3 sung hmang thei ani. IDP chu a tul naw a chu chawi rân a tha.
FRANCE: France sawrkar khawma i Indian License(French tawng a in let) kha kumkhat sung i hmang an phal ani.
CANADA: Indian License hmang thei i ta, thla thum nêka tam i um ding ani chun IDP tul a ti.
GREAT BRITAIN: Motor chîn(Car) le Bike khal na dingin i Indian License kha kum khat sung hmang thei i ti.
NEW ZEALAND: Kum 21 chungtieng i ni chun Indian License kum khat sung hmang thei i ti. I license kha English tawng a inlet ani naw chun NZ Transport Agency in an approved translation la thei i ti.
AUSTRALIA: Hi ram a hin a dân hi an ang naw a, region thenkhat a IDP chawi a tul a, thenkhat a ruok chu i Indian License kha English tawng ngei a in let vawng chawi thei i ti. Northern region a ruok chu thla thum cho i hmang an phal ani.
**IDP hi International Driving Permit ti na ani.
** Germany le New Zealand a an rambung tawng ngei tinaw chu rambung dang a hai chu English tawng vawng ding ani.
(With inputs from Times of India.)
Inzin inhawi le....
COMMENTS