- FJ Sports Analyst
Fox Journal: 20 July 2013 a indin chau ni hai sienkhawm an club chanchin a dinga I-League title an lak vawihnina dingin JSW Bengaluru FC hai chun 2-0 a Salgoacar FC hai vawizan khan Sree Kanteereva Stadium ah an lo hneban tah. Vawi 16 inkhel dingah vawi 15 inkhel tah in points 32 an hmu tah a, an hnuoi char a um Mohun Bagan AC(15 games, 27 points) hai ta dingin hnawtphak ngaina a um ta naw a nih.
Eugeneson Lyngdoh(8') le Seiminlen Dougel(87') hai goal hmangin Ashley Westwood a rawi hai hin I-League title an lo lak tah a, hrattak nina nopui ruok chu game po po inkhel zo a ni phat leh dawm chau an tih.
Club naupangte ni hai sienkhawm Bengaluru FC hai hi an duoi naw hle a, 2013-14 I-league le 2014-15 Federation Cup hai bakah 2015-16 I-League tiem sa hin India khawmuolpuia inelna ah major trophy pathum lai zet an lo lak an tah.
COMMENTS