~Sema Faihriem
Christmas le Kumthar lâwm zo hin chu khawtlâng hi a ngûi in, a rê rup hlak a. Mipui hai khawm Christmas le Kumthar hun ngaiin ei chul deu ruoi hlak anih. Christmas le Kumthar lawm zo hi a zûn ana a, hi Hunpui zûn hi zo loin mi tam takin mithli an insûr tirna hun khawm ani hlak rêng anih. Ama, Rev. Thangngûr in 'Kumpui tlangthla ding hi zui naw thei kan naw...' a lo ti ang khan Hunpui pûrdo zingin ngaitak pum in " Damtakin Mangtha..." ei lo ti a tul nawk hlak si...
Hieng ang boruok ei phur zing lai hin inchukna sunzawm dingin Shillong tieng pan dingin ka hai insiem nawk ta a. Thâ chu a fân naw chieng hle el.
Ka ruolpa ding lem chu ka nêk in a tha a fân naw nawk zuola... Mi U hai le sâwlhna an intliek na tlâng phei la fang a nuom chu ni ngei a tih. A phûr naw ve ve fe ding kan ni leiin suonlam kan siem kan siem a. Vângneithlak takin Bandh a um ta hlau el. Kan va lawm de aw... A kâr nawk chun kan fe chu a tul ta tho tho. Suonlam ding hlak a tlawm deu deu, 'Iengkhawm annawh' ti'n zinga fe ding kha zâna Ticket kan hai kansêl tawp el a. Hun chu kan la suk hnu thei peia, ruolhai le Gawp na hun ding khawm kan la nei thei hram a...kan hlim naw chuong nawh.
Shillong fe hi thul sawng el thei ding kan ni naw leiin kan fe ta tho a. Seat kansêl hnung kan ni ta leiin ka ruolpa le chun kan inthung kawp thei ta naw a. A ruokna um sun hai kha an mi pêk el an tah.
Leh! Kan hai tlân tan ta a, ka ruolpa chu a vângneia siemin Nunghak le an inthung fuk ta rêk tlat el. Ka va hai thîk char char de aw... Inthleng pui ka tum le nuom bawk lo. Kei hlak chu Seat No.15 a kan thung a. "Seat No.16 a hin tum an thung ding aw... Nunghak ni ve ngei sien" ti'n duthu ka hai sâm vêl a. Hieng ringawt nek hin tiin khawsâwt hnêmna malamin ka Headphone chu ka hai inbûk a. Ka Playlists a hla ka hai Play chu khawsawt hnêm nêkin a suk zuoltu ani nawk ta pei el, a harsa thei ngawt el ie...
Imphal a'nthawk tlân suok dingin kan seat seng kan pan nawk ta a. Chu lai tak chun Nunghak hleitling deu el, insit umlo zet el hi ka Seat tieng âwn in a hunga. Ka bula seat ruok um sun Seat No.16 a ngei chun a hung thung tah. Huihah! Biek ka tum le ka tawng suok el thei ta naw rêk... Bie ngam loin ka hla ngai chu ka sunzawm nawk ta pei lem a...
Chuonga kan tlân zing lai chun kan ngaituoa. Ka duthusam lo ni hlak Nunghak le Bus a inthung kawp chu ka tuok ta si a, biek loa sûn-zân tlân ding chu chau kan ti ta hle.
Hmmm... Takchapa! Tiin Nunghak tieng ngha chun ka rawl ka hai khâwng tan a, a hung en chun an nui sar a, kei khawm vîng met pum chun ka hai en sawk a. A lo tha ngei el. Ka bau ka ka ngam rêk ta nawh. Kan in en a, kan innui ve ve a, iengkhawm ka tawng dawk ngam chuong nawh. Pâ chu mi ti naw hleng a tih. :-)
A tâwpa chun ka hai biek ta phawnga. A lo tawng nuom khawp el a, alo insûm ve tawk tawk nisien a ang hiel. Hming, pieng le mûrna hai kan indawn zo chun kan titi zawm ta peia...kan tawng mawl mawl el tah! Kei khawm ka lo flow ve ta hle chu ning a ti kan hma tienga inthung ka ruolpa chun "Insûm met raw Laibung :-P " ti'n SMS ami hung thawn hiel anih. National Highway 39 (now NH No.2) tlâng dunga Chemistry a lo in tan chu ani ta zing el.
Chuonga induthaw taka thutin kan hril lai chun zân a lo sâwt met ta leiin in dingin kan titi kan suk tawp ta a. Ama chu a hai insîm a, sâwt niloin a in nghâl a. Kei ruok chu ka in thei ve ta der nawh. Mei var in a hung khaw êng châng ama chu ka hai en hlak a. A en khawm hâ dam hieu el ani ie ;-).
Kan Motor in ami tet nasa met leiin kan ring hma'n kan loin tawk chawt nawk hlak, anhawi ve ang reng, hehe! Chuonga a in dier dier lai chun ka dâr ah a lu alo innghat dêr ta hlak a. A sam chun ami hung zêm hieua. Ngai chu a muong nuom sâwt hle el.
Zîngtieng khuo var ier ier lai vêl a hung thang har chun ami lo la kham zinga... Inphalam hmel tâk te hin innui sieuin "I in ve naw maw ?" tii'n ka khâk hnuoia a hung tang kâk a. "Ka in annawm" ti chau in ka dawn a. Ka lungril tak chun "Iengleiin am in innghil san thei ka che a?" ti a dâwn chu ka châk hle el.
Leh, kan titi chu kan sunzawm nawk a. Sâwt kan tlân ta naw ding ti ka hriet lei chun kei khawm ka hriet nuom thil hai chu kan dawn ta mawl mawl a. Chuonga kan titi zing lai chun kan inring hma'n Shillong khawpui kan lo tlân lût chu ani ta zing. A lo hla naw ngawt el. Goa chen tlân ding ni inlang khawm ka dittâwk naw ding vei le maw...
Bus châwlhmun (Station) tlung hma'n a tum ding thu ami hril a. Kei khawm thei tâwk tiin thuneitu hai chu suk châwl dingin ka hrila. A thuomhnaw hai kan load thlâk vawng hnung chun. Ka thangpui ve na hai lei chun innui sieuin a lawmthu a mi hril a. Kei khawm ama le kan chuong kawp thei kha vângnei kan ti thu ka hril ve a. Kan châwlhmun kan la thlung naw leiin Bus a chun ka kai nawk ta a... Innui sieu in ami la hung Bye... Bye... a. Kei khawmin Bye... Bye... zing pum in
"Add me on Facebook" tiin kan in en liem ta a...
Christmas le Kumthar lâwm zo hin chu khawtlâng hi a ngûi in, a rê rup hlak a. Mipui hai khawm Christmas le Kumthar hun ngaiin ei chul deu ruoi hlak anih. Christmas le Kumthar lawm zo hi a zûn ana a, hi Hunpui zûn hi zo loin mi tam takin mithli an insûr tirna hun khawm ani hlak rêng anih. Ama, Rev. Thangngûr in 'Kumpui tlangthla ding hi zui naw thei kan naw...' a lo ti ang khan Hunpui pûrdo zingin ngaitak pum in " Damtakin Mangtha..." ei lo ti a tul nawk hlak si...
Hieng ang boruok ei phur zing lai hin inchukna sunzawm dingin Shillong tieng pan dingin ka hai insiem nawk ta a. Thâ chu a fân naw chieng hle el.
Ka ruolpa ding lem chu ka nêk in a tha a fân naw nawk zuola... Mi U hai le sâwlhna an intliek na tlâng phei la fang a nuom chu ni ngei a tih. A phûr naw ve ve fe ding kan ni leiin suonlam kan siem kan siem a. Vângneithlak takin Bandh a um ta hlau el. Kan va lawm de aw... A kâr nawk chun kan fe chu a tul ta tho tho. Suonlam ding hlak a tlawm deu deu, 'Iengkhawm annawh' ti'n zinga fe ding kha zâna Ticket kan hai kansêl tawp el a. Hun chu kan la suk hnu thei peia, ruolhai le Gawp na hun ding khawm kan la nei thei hram a...kan hlim naw chuong nawh.
Shillong fe hi thul sawng el thei ding kan ni naw leiin kan fe ta tho a. Seat kansêl hnung kan ni ta leiin ka ruolpa le chun kan inthung kawp thei ta naw a. A ruokna um sun hai kha an mi pêk el an tah.
Leh! Kan hai tlân tan ta a, ka ruolpa chu a vângneia siemin Nunghak le an inthung fuk ta rêk tlat el. Ka va hai thîk char char de aw... Inthleng pui ka tum le nuom bawk lo. Kei hlak chu Seat No.15 a kan thung a. "Seat No.16 a hin tum an thung ding aw... Nunghak ni ve ngei sien" ti'n duthu ka hai sâm vêl a. Hieng ringawt nek hin tiin khawsâwt hnêmna malamin ka Headphone chu ka hai inbûk a. Ka Playlists a hla ka hai Play chu khawsawt hnêm nêkin a suk zuoltu ani nawk ta pei el, a harsa thei ngawt el ie...
Imphal a'nthawk tlân suok dingin kan seat seng kan pan nawk ta a. Chu lai tak chun Nunghak hleitling deu el, insit umlo zet el hi ka Seat tieng âwn in a hunga. Ka bula seat ruok um sun Seat No.16 a ngei chun a hung thung tah. Huihah! Biek ka tum le ka tawng suok el thei ta naw rêk... Bie ngam loin ka hla ngai chu ka sunzawm nawk ta pei lem a...
Chuonga kan tlân zing lai chun kan ngaituoa. Ka duthusam lo ni hlak Nunghak le Bus a inthung kawp chu ka tuok ta si a, biek loa sûn-zân tlân ding chu chau kan ti ta hle.
Hmmm... Takchapa! Tiin Nunghak tieng ngha chun ka rawl ka hai khâwng tan a, a hung en chun an nui sar a, kei khawm vîng met pum chun ka hai en sawk a. A lo tha ngei el. Ka bau ka ka ngam rêk ta nawh. Kan in en a, kan innui ve ve a, iengkhawm ka tawng dawk ngam chuong nawh. Pâ chu mi ti naw hleng a tih. :-)
A tâwpa chun ka hai biek ta phawnga. A lo tawng nuom khawp el a, alo insûm ve tawk tawk nisien a ang hiel. Hming, pieng le mûrna hai kan indawn zo chun kan titi zawm ta peia...kan tawng mawl mawl el tah! Kei khawm ka lo flow ve ta hle chu ning a ti kan hma tienga inthung ka ruolpa chun "Insûm met raw Laibung :-P " ti'n SMS ami hung thawn hiel anih. National Highway 39 (now NH No.2) tlâng dunga Chemistry a lo in tan chu ani ta zing el.
Chuonga induthaw taka thutin kan hril lai chun zân a lo sâwt met ta leiin in dingin kan titi kan suk tawp ta a. Ama chu a hai insîm a, sâwt niloin a in nghâl a. Kei ruok chu ka in thei ve ta der nawh. Mei var in a hung khaw êng châng ama chu ka hai en hlak a. A en khawm hâ dam hieu el ani ie ;-).
Kan Motor in ami tet nasa met leiin kan ring hma'n kan loin tawk chawt nawk hlak, anhawi ve ang reng, hehe! Chuonga a in dier dier lai chun ka dâr ah a lu alo innghat dêr ta hlak a. A sam chun ami hung zêm hieua. Ngai chu a muong nuom sâwt hle el.
Zîngtieng khuo var ier ier lai vêl a hung thang har chun ami lo la kham zinga... Inphalam hmel tâk te hin innui sieuin "I in ve naw maw ?" tii'n ka khâk hnuoia a hung tang kâk a. "Ka in annawm" ti chau in ka dawn a. Ka lungril tak chun "Iengleiin am in innghil san thei ka che a?" ti a dâwn chu ka châk hle el.
Leh, kan titi chu kan sunzawm nawk a. Sâwt kan tlân ta naw ding ti ka hriet lei chun kei khawm ka hriet nuom thil hai chu kan dawn ta mawl mawl a. Chuonga kan titi zing lai chun kan inring hma'n Shillong khawpui kan lo tlân lût chu ani ta zing. A lo hla naw ngawt el. Goa chen tlân ding ni inlang khawm ka dittâwk naw ding vei le maw...
Bus châwlhmun (Station) tlung hma'n a tum ding thu ami hril a. Kei khawm thei tâwk tiin thuneitu hai chu suk châwl dingin ka hrila. A thuomhnaw hai kan load thlâk vawng hnung chun. Ka thangpui ve na hai lei chun innui sieuin a lawmthu a mi hril a. Kei khawm ama le kan chuong kawp thei kha vângnei kan ti thu ka hril ve a. Kan châwlhmun kan la thlung naw leiin Bus a chun ka kai nawk ta a... Innui sieu in ami la hung Bye... Bye... a. Kei khawmin Bye... Bye... zing pum in
"Add me on Facebook" tiin kan in en liem ta a...
COMMENTS