Kum 1989, April ni 15 khan Hillsborough Stadium, Sheffield, England-ah Liverpool le Nottingham Forest chun FA Cup Semi-Final an pet a. Hi tum hin sietna nasatak a tlung a nih.
Hi tuma ball pet en dinga fehai laia mi 96 zet chu damin in an inlawi ta naw a nih. Chun, mi 766 zet el an hliem bawk a. Hi thil hi English football a sietna tlung laia a rapthlak pawl tak a nih.
Kum 1990 a Taylor Report in a hril dan chun, hi thil hi police haiin mipui an dang hnenaw leia tlung a nih tiin a hrila. Khang hunlai khan chu Stadium a hai hin ngir puma en theina ding a um hlaka. Liverpool le Nottingham an inkhel tum khawm hin mipui tamtak chu ngirna ding hmun, an dawkanga inthawk chun ballpet an en a nih. Amiruokchu, chuong dawkanga chu mipui a dier ding zat neka tam dei an um leiin, a chim thla tah a. Hi thil hi Liverpool tantuhai umna tieng (Leppings Lane) a tlung a ni a. Hi thil a tlung lai hin inkhel zing a ni taa, police pakhat chu field sungah va tlan lutin, Referee kuomah inkhel chu suk chawl dingin a va hril tah a nih. Hi tuma thi hai, mi 96 hai lai hin mi 14 chau chu hospital tlungpui hman an nih. Hi \uma thina tuokhai laia naupang tak chu kum10 mi niin, a upa tak chu kum 67 mi anih.
Hi sietnaa thihai hi Liverpool hai stadium, Anfieldah ropui takin sunna hunser hmang a nih.
Hieng ang sietna rapthlak tak a tlung lei hin, En- gland, Wales le Scotland ram sungah stadium a hai hrim hrim mipui ngirna dinga dawkang siem chu khap bur a hung ni tah a nih.
Source: Thalai Weekly
COMMENTS