By Uniky Lalmuonpui Huolngo
Dear
Hmangaina hi iem ana? Hmangaina ei hrilfie ding chun a Hmangaina a mizie or a rasuok hin ei sui-fie hlak deu phuora. Awleh, Hmangaina chu a dawthei a, ngil a nei a, Hmangaina chu a îtthik naw a; Hmangaina ama le ama an pak naw a, a uong naw a, a châng mawinaw ngai naw a, mani hma a siel naw a, a lungsen mei mei naw a, suol tieng a ngaituo ngai naw a; felnawna a lawm naw a, thutak ruok chu a lawmpui hlak; Iengkim a tuor hrâm hrâm a, iengkim a ring a, iengkim a beisei a, iengkim a tuorsuo hlak ti 1 Korinth 13 ah ei hmu.
Khi a chunga hai khi nunghak tlangval inngaizawng lai ruok chun a then tamtak ta di'n in tak fût a tih. Amiruokchu, hi hi hrieng ei tiu, khi hmangaina mizie khi thil um ta le um thei a nih. Khawvela um ei n'a, tukhawm a famkim ei um naw iti thei. Anachu maw, thil ni theilo ding hi Bible ah a um ring a um nawh.
Awle, Ka hril nuom chu nang in i ngaizawng khi a chunga hai ang khin ihmangai chu ka ring. Amiruokchu, inngaizawngna hi mi pahni kara thil tlung a ni leiin thangruol a tul takzet annaw! Chun, hmangaina kuomûm chau ei chantawk ah an chang nuom vieu.
Aningei, mi ei hmangai tak tak chun inrem ei nuom zing eini tieng chu, thu kamkhat chau khawm a ei dam vawng vawng el a nih. Ei lung lo sen de sienkhawm zaidaw a tul chang a tam, lungril nat khawm a insel nek thlawt chun to ei inchu chang a tam. Hmangaina hi chu hrietthiem a harsa maw???
Pathien in amin din hi eini ah tum a nei seng ti chu a hretu ve2l ve ei nih. Amiruokchu, hi thiltum hi hre dingin ei thaw dawk a ngai ve si a. Ei hmangai ei ti hai dam hi a mi suk thul pektu annawleh, daltu anni chun pawi hle ring a um. Hmangaina hin ei chan that annawleh, hamthatna ding a mi hluo pek ring a um nawh. Hmangaina indik chu a mi sukhrat tu le mi tawiawm tu a ni a, lampui tha mi khik hmua mi chel tlat tu a ni ding a nih.
In Hmangaina indik tak kara khawm buoina inremnawna umchang chu um ve ngei a tih, anachu, lungruol taka hriltlangin, insel buoi ni lovin zainem takin an buoina inhriethiemnawna chu an hrilfel lem hlak. Chun, an buoina pangngai ah an buoi buoi nawk ta ngai nawh.
A tawp tak a dingin ei pal ram an ang seng naw leiin, I thil tawn chu ka hrietthiem pui che, nakie hung in tlak danglam annawleh, in kar thu a that i beisei chun hmangai zawm pei raw, beiseina hi mi thuoitu a ni hrim a nih. Anachu, nangin mi i hmangai ve ang khan a hmangaitu ding che hi an um ka ring tlat chu tie. Kawm ka thil beisei a nih. Hehe! Amiruokchu, ei hringnun hi a lo inzem buoi taluo chun eiin tuokpui khawma hmu thel ei tih inlau a um tak zet.
COMMENTS