Fox Journal | Imphal, 23.04.2016 : Khuman Lampak Imphal hmuna fe mek a Hmar hming chawi a suok HMAR FC hai chun vawisun khan an match hni na ding an khêl a, FC Ngaium hai inkhingpuiin HMAR FC hai chun FC Ngaium hai 4-1 a hneban a nih.
An play hi a en anhawi in a mawi hle a. Hi team a players thenkhat hi zani ta Hmar Martyrs Trophy a Imphal HYA team hminga khela khawm khan an thangve a, ka sawl ka kham ti loa a ni zawn a an inhnel lei hin ngaisang an um hle.
Vawisun khan Imphal khawpui a ruo a sur nasa leiin field hai pawr sienkhawm tha tak in an inkhel thei a. Manipur phairam ramhnuoimi hai in General Strike ko in field hmun pawr in ruo sur sien khawm HMAR FC fans Nu le Pa, Nunghak Tlangval le naupang tamtak hi match en ding hin fekhawmin. Harsatna tamtak kar a hi match en ding a hung hai chungah Team Officials hai chun Fox Journal fethlengin lawmthu an hril a, May 21 a Langjing FC le an pet nawk huna mipui tha hnem tawk tak a hung uop nawk dingin mipui fielna an siem nghal bawk. Fox Journal chun hmatieng a an lan khel nawk peina a hai hnena chang peia, a hrattak nopui mawi hung la ngei dingin ditsakna insangtak an hlan.
COMMENTS