Fox Journal: Hmar hla thar hlawk el, "Hmangaina Vangduoi" Nk. Genevieve Lalrempui Sungte d/o Pi Nienglawmkim (Hmar hlasakthiem) in a ngailai, a hmangai Tv. Stephen Lalringhet Parate in nikum tarik 24 December, 2015 zana Lungthulien - Parbung inkara motor accident leia a lo boral san tak leia a nun ram beidawngtaka hla-a a lo inzawt suok le ama ngei isak a nih.
Hmangaina Vangduoi hla hi Music tienga filawr Pu Robert Keivom in rimawi hai hi siemin a remkhawm a, a thluok hi insitum lo solfa thiem tak ni bawk Bass khawm dittawka zut thei Pu Samuel Sakum in a siem a ni a. Rawl khumna hi Ruolngul Records a khum a nih.
Mp3/Audio Download link: http://bit.ly/236usWP
Words: Genevieve Lalrempui Sungte
Date: 26th January, 2016
Tune: Samuel L. Shakum
Music: Robert Keivom Recording: Ruolngul Recording Studio
Lungruoltea rûnhmun lêngzaieirel laiin,
Umlai nunrâwng sâr-ang a hung inzâm;
Pâr-ang ka lâwmna le, ka lungdumtu Vâlmawi,
A hertliek che anrieng ka tapkhuo sei na'n maw.
*** Aw ka ngai che, ka ngai, ka ngai êm che,
I thang loin hringnun iengtinam hmang ka ta,
A rem naw, a rem lul nawh,
Anrieng ka tapkhuo a sei tlâwn ie.
Zârva ienga ei hlimni le zân hai
Ka dawnchangin taplai ka bâng thei nawh;
Buonang pawma ei hril, rûnhmun lêngzai rel di"n,
Va-ang mi hung thuoi rawh, sûl-ang ka lo nghâk che.
In vângkhuo Bungtlanga, Tlangkhuon ka di'm na'n maw I mi tiem ang te'n Rêlpuon, Silpuon leh;
Ringumna chu vawngin, kan zo ta ie Vâlmawi,
Sienkhawm tiemthu an khél, piellei i bêl ta sih.
Lientlangpui le Bungkhawpui kar ram daiah,
Sâr I fam dân dâwnin lung a awi nawh;
A hi maw an lo hril, hmangaina vangduoi chu,
Aw Khuonu ka hmakhuo ding rêng i dâwn naw maw.
Iengthu hril inlakhawm famrûn i bêl ta si,
Ngailai fam hnung kirzai i rêl si nawh;
An hril Vankhawpuia ka hung inlawi ve pha,
Hlimte'n mi lo tuok la hung zawng pei ka ti che.
COMMENTS