Fox Journal: Liemtah March 1, 2016 a kha Hmar tlangval Nathanael Lalmalsawm (Manipur) le Cardar Bagra (Arunachal Pradesh) haiin tulai thangthar tam tak inhnik zawng tak le an inhnik zawng Groovy Squad ti hming inpein Hip Hop/RnB band (Hla inzawt ei ti el) an lo indin a nih.
Anni pahni hi tuhin Shillong, Meghalaya khawpuiah BA 2nd Semester inchuklai mek an nih.
Pahni chau niin an intodel hle a. Cardar hi a hla inzawttu tak (Rapper) niin hlaziektu le rap a sak hlak a, Nathan hin Produce in hla a sak ve thung a nih.
Nathan ei inbieknaa ei hriet angin tuchen hin hla pahni chau an la neia chu laia mi an hla thar lem Givin' it Up ti chu download thei dingin an lo kapkai der tah a. An thiemin a ngai anhawi a, insit a um naw hle.
Givin it up mp3/audio Download link:
March thla khan single (bonus track) GET READY ti hla an lo tlangzar ta bawk a. Hi hla hi nuhmei hai ngirhmun suk hmasawnna tieng awna siem a nih.
A hnuoia Link a hin download thei:
Ei ditsak zie suklangnain Groovy Squad hai Official Band Page hi Like pek seng dingin ei in fiel nghal.
COMMENTS