By: Angela Laldusaki
Tulai khawvel changkang pei a hin mihriem inza tawnna le nun inzana "Humanism" hin thangtharhai lungrilah hremhmun hi ataktak ni dingin ringna a thlahnuoi ta emem tah anih. asanchu misuol hai hrem dan khawm a nep ta a, tuolthathai khawm court in zangaina a suklangin lungin intang khawm a suk sei in a suk taw pek ta hlak a nih. chulei chun hremhmun le meidil hi chatuona misuolhai hrem na dingin hmangaitu Pathienin a siem ding hi awm naw tina thangthar lungril ah tu on a um an tah. Seol Hades chu hrem na hmun cho ala ni a Meidil lem chu chatuon a hrem na ding ani sia. theologian thenkhat lem chun Bible in Mei a ti hi, mei taktak ni din an ring naw a hremna tawpkhawk entirna a ahril ni din anzel din thu anpuong mek. chuleichun pastor tamtakin hremhmun chungchang hi huoisen takin an sermon ngam ta nawh. inthina le insukthlaphangna a ngai pawl an tam ta lei a nih. Tukhawm Isu Krista chanchin hritu chun huoisen takin hremhmun chungchang khawm hril raw seh. hremhmun thu mi hritu chu Lal Isu ngei hi ani a. vanram thu nekin a mi hril rawn lem NT hi bung 260 a um a, hremhmun thu le Pathien rorel la hung tlung ding hi vawi 236 lai ziekin a um.
Hremhmun hi hnuoia um ani ti Bible a hmun 22 ah Ami hrila, kum 14 century lai khan Heklafell hmunah tlangkang a khan maktaduoi tamtak inrum ri le tap khek rawngrawng ri an hriet thu, Casper Peucer chun a hril.
1990 vel khan Siberia vur ram ah thautui zawng scientist ruolin hnuoi khur Mel 9 (14.4 km) ancho na akhan hnuoi kawrong lai an ver tlang niin an hriet a thil ri hrietna khawl anzuk tlak chun hnuoi thuoriet innawt ri ni lovin hremhmun a mipui natuor khek ri anhriet ta lem a. Dr. Azzacove chun "Communist pachal ka ni na angin vanram le Bible hi ka ring der nawh, scientist ka ni na ang ruokchun hremhmun a um ti ka ring tah" a ti hiel el anih.
Ei hnuoi kawr (Earth Crust) hi km50 vel a sa ani a, chu hnuoitieng chu an thuk ang peiin alum tieltiel el an tah. Hremhmun hi mei vwng ani a, chu mei a chun mei Nge HAI an um a mihriem taksa an nuom na lailai anlutin alut tleng zurzur a bau ahai an lut a. MIT a HAI dam an suok nawk a, ru le tlin an ker a na ti emem in an inzi awrawr a. Chu mei ngei HAI chu an sungah a lut hlak a nih.
Tuifinriet hnuoi kak anthawk a scientist HAI thil hmusuok hi inchik tlak a nih. Khawvel hmun danga anhmu ngai lo Nge or rulrukut ang feet 8 lai a sei an um a nih. Joseph Wallacea lekhabu The deep sea page 39 a hienghin a hril, "tulai hnai el a thilhring anhmusuokhai lai a mak danglam tak pakhat chu Riftia an ti a, thil nge or rulrukut sei taktak ansei Dan khawm feet 8 zet an ni a, tuihnuoi mei hung suokna (Vents) kawbau bul lai chau hmu ding an um" tiin a hril. Khawvel hmun danga um ve lo hnuoi kuo inthuktak anthawk a mei khu hung suokna kuo anthawk chun hremhmun nge hai chu tuifinriet tuong a HAI anhung invak suok an ta chu. Amos 9:2. Isai 66:24 en rawh.
COMMENTS