~ Lalbelsang Infimate, Chief Admin, FOX JOURNAL
(Châng thlang KOLOSSA 1:16)
Hi khawvêl a ei hringnun hi mi tamtak chun ei ngaituo hlak ring a um. Ei hringnun hi ei mimal thil tum, lungril thlamuongna, ei hlimna hai nêkin a hlu lem a, ei suong le kuo, ei ruolá¹ha hai, ei sinthaw hai, ei damsûng hun tawite sûnga ei thil tum hai le hmâtieng a ei ni tum hai nêk khawm in a hlu lem ani. Hi khawvêl a ei pieng na san hi ei hriet nuom chun mi siemtu ei Lalpa Pathien bêl hmasatak a á¹ul. Ama lei le ama zâr a hi khawvêl a pieng ei nih. Hi khawvêl a ei hringnun le ei pieng na san tak hi kum sâng liem ta a inthawk a mi tamtak lo suizui le lo ngaituo chu ani. Ei hmusuok thei naw nasan tak chu mani le mani a bul á¹an na a ei hmang rawp hlak lei hin ei suksuol hlak ani. Mani le mani in zawna tamtak eiin dawn hlak. Chu hai chu, Iem ka ni nuom a? Ka thil tum iem ana? Damsûng tawite sûng hin iem thâwng ka ta? Hieng zawna hai indawn in mani le mani ngawt inngaituo chun ei hringnun hi a umzie hri nawm ei nih. Bible in a ti ang in, Pathien kutah ei hringnun le thlarau hai a um ani.
Ei hringnun le inzawm lekhabu tam tak ei tiem, movie tam tak ei en, seminar a hai le mithiem tak tak hai a inthawk ei nghaithlâk a chu ei hringnun umzie le hi khawvêla ei pieng na san tak chu ei hriet thei naw anih. Mani le mani a insiem ei ninaw lei hin hi khawvêl a ei pieng na san le Pathienin hringnun ami pêk hi ei khât chun hrie thei nawm ei nih. Mi pakhat in ei la hmu ngai lo le ei la hriet ngai lo machine hung siemsuok sien, a machine en ritawl khan a hmang dân le siem nasan hai hrie thei naw ei ta, a siemtu cho in mi hrilfie thei a tih. Chuong ang bawkin hi khawvêl a ei hringnun le ei damna san hi Pathien cho in ami hrilfie thei ani. Lekhabu á¹ha tamtak ei tiem a, chu lekhabu hai zâr chun hlawtlingna ami pêk hlak. Amiruokchu hi hlawtlingna le Pathienin hi khawvel a ami siem nasan tak suk puitling hi an ang naw ani. Mimal thil tum hai suk puitling in, khawvel hriet phâka inlâr inla khawm Pathienin ami siem nasan tak hi ei la thaw le ei la hriet á¹hel rawp hlak chu ani. Bible chun, “Tukhawm a hringna hum nuom tu chun chân a tih; tukhawm kei a leia hringna chân ngam tu chun hum a tih.” a ti ani. Hi khawvel a siem ei ni nasan hi ei hmusuok ta hlak am?
Kum sâng liem ta a inthawk khan khawvêl mithiem le mivar tak tak haiin an lo hril hlak le an ngaituo hlak chu ei hringnun umzie hi ani. Philosophy - khawvêl le lungril le thilbul le Pathien inchûkna hi inchûkna á¹hatak le hmangna á¹hatak nei ani a, amiruokchu ei hringnun umzie hrilfie na a ruok hin chu khawvêl mithiem le mivar tak tak Philosophers hai khawm an ngaituo in an thlawm el hlak ani.
Ei hringnun umzie ei ngaituona a hin dit thlang theina ei nei a, chuchu Pathien Thupuong hi ani. Hi khawvêl a Pathien thil siem hai hi en in ei hringnun umzie ei hriet theina bulpui chu ani. Mihriem thilsiem machine hi siem ani na san hriet na dingin a siemtu kuoma indawn ani ang hrim in ei hringnun umzie le siem a ei ni na san hriet nuom chun ami siemtu ei Lalpa Pathien bêl a ama indawn hi ani. Pathien hi eiin á¹an na cho annaw a, ei bulpui ani. Ei hringnun umzie hriet ding chun khawvêl thuvar, mithiem mivar hai thil hril, mi mikâwkhmuna le mi chanchin lungril tawk tak tak hai nêkin ami siemtu Pathien á¹an ngam a ama thu bêl tlat hi ani.
A tawpna tak a dingin, mani le mani in en chun ei hringnun umzie hrie thei nawm ei nih. Pathienin ami siem ana, ama ta dinga ami siem ani – chu chu ei hrietthiem hma chu ei hringnun hi iengma lo el ani ding ani.
“ Iengkim amaa insiem ani le ama ta dinga siem ani.”
Maram,
21st September 2015
COMMENTS