INDIA RAMA LUM TAK 48.5°C ODISHA STATE AH

Fox Journal: Odisha (Orissa) State a Balangir District a Titlagarh biel chun liemtah zani hmasak Pathienni khan India ram pheka kum 2016-a a lumni tak a lo inchik tah. Kum 17 a upa a lum tak inchikna chu khelin Pathienni khan temperature 48.5°C a insangin hi lai hmun hi a em a nih. Hi lai biela hin boruok lum leiin mi 88 an thi der ta bawk.

Titlagarh hin Pathienni khan 48.5°C temperature a dawng a, Pathienni hma char Zirtawpni khan 47.5°C a dawng bawk a nih.

Kum 1990, April 30 khan temperature insangtak 48.1°C a lo inchik tah a. Hi hi tuta tum hin a khum zak a nih.

Temperature 43-46°C inkarah boruok lum taluo hi kar hni lai vel a la um sunzawm ring a ni thu SC Sahu, Director of Indian Meteorological Department, Bhubaneswar Meteorological Centre chun a hril.