Fox Journal: India chun vawisun khan kum 70 lai lo liemtah a Indopui Pahnina hun laia B-24 Bomber, Himalaya tlangdunga India le China inkara vuonga supply phurtu crew members hai an ru le chang hai a pekkir.
Hi thil US kuoma a pekkir hi Indopui Pahnina hun laia thil bangkhai la um hai India in a pekkir hmasatakna a ni a. B-24, Hot As Hell tia hming tehlem peka um hi January 1944 khan a crew member 8 hai leh an inhmang a. Hi vuongna hi Indopui pahnina hun laia supply phurtu, mihriem le khawl hai phurtu a thangve a nih.
Hi an siet tuokna hmun lai hi US indo vuongna dang hai khawma siet an tuok zeu zeuna hmun tlang le tlang kar harsa tak el a nih. Hi lai hmuna hkn kum 2008-09 khawm khan zawngna sin lo tan tah a ni a, amiruokchu, hlawsawmin a um a. Tuta tum hin tlang kai thiem hai leh theitawp suoa thaw nawkin an hlawtling ta a nih.
A hmun hi Arunachal Pradesh state sunga an hmu niin. A zawngtuhai hin feet 9000 neka insang an kai a. Marine Capt. Greg Lynch in a hril dan chun hi zawngna sin thawtu team hai hi base camp siem dingin nithum sung tlang an kaia, chu zoa chun siet tuokna hmin chu nitinin an pan peia hmunhnawk kara hai zawngin sin an thaw a nih.
Hi hunser hi New Delhi ah hmang a ni a, America phurlut an ni zovin Hawaii Lab ah DNA test thaw dinga thawn la ning an tih.
COMMENTS