Fox Journal: 24th April 2016 - Vawituk khan JNU thuoitu Tv. Kanhaiya Kumar Mumbai a'nthawk Pune fe chu vuonga suongah mipakhatin kut lo thlakin a ringa a rek pek. A thawtupa le hi'n vuongna anthawk intumtir an nih. A thawtupa hming chu Nagender Kumar a nih.
Tv. Kumar hi JNU student union thuoitu nilai mek, Dr. Afzal Guru India sawrkarin a khaihlumni hriet zingna dinga JNU campus-a an hmangna le inzawma thla hmasak laia National media a chanchin vawrlar a um kha ani a. Sawrkarin, ram lak-a hel nia an tum leiin thla hmasak lai khan Jail bang khawm a lo zut ve hman met a nih. Bail a suokin sawrkarna chel mektu National Democratic Alliances(NDA)@BJP hai khingin an sawrkatna thatnawzie tulai hin India hmun hran hran ah kek-in-dur puiin campaing a nei mek a nih.
Vawsun khawm Flim & Televison Insitute of India(FTII) a inchuklai, nikum a ni 139 zet nuorna lo nei hai inhmupui tuma fe a ni nghe nghe.
Zani el khan Tv. Kanhaiya Kumar hi'n Prime Minister Pu Modi dem-in a sawrkarna hi mipuiin an nghawk ta hle a, an lungturnaw hun a tlung tep tep ta thu hrilin sawrkar chu an rang thei anga insiemtha dingin le an sukpuitling zo lo ding intiemkam ta lo dingin a vau bawk a nih.
A chuongna Jet Airways ha'n thusuok siemin 'Operation Safety leiin vawituk Mumbai to Pune flight a
guest thenkhat vuongna a'nthawk Mumbai Airport a intumtir a nih' tiin.
COMMENTS