KAN CHAWI LAI KAN RAM

By Kama Sungte

Kan tlang ram mawi hring demdem karah,
Thlifim thieng hung leng velin;
Thing tin zar mawi le phai di hmun cham del,
Sawmfang kur nguoia mutin;
Sawthla eng hnuoia perkhuong tintang le,
Kan chawi lai kan ram inhawi chu.

.
A tlang thingah rengchal, dawlrem le,
Uleng, ngirthing ha’n an awi,
Keini iengin maw thuva hram thiem le,
An awitu tlaitla eng rieiah hlim zai,
Kan vawrna, kan ram inhawi.
.

Hieng ang lawm hin lo maiw sienkhawm,
A sunga leng nauhai hi;
Ei ram mawi chawitu, ei um dan Krista,
Thitha thaw, tlawmngaina a nih;
Pi pu thang tam hai liem hnungah ei ram,
Mawi chawitu par mawi ngei chu.