By: Samuel Lalmuankima
Kum le nihai a fe liem peia, upat tieng ei hung pan pei chu a lo ni taa.. Hringnun hin thil tam tak a mi’n chuktira, a tha khawm, a thanaw khawm. Hienga hun fe pei hin a chang hnungtieng ngaina’n ei sipa, a chang leh hmatieng beiseina lientak neiin hun ei hmanga. A changin lamthlang a min hraw tira, a changing lamsak a min hrawtir bawka. Lungngaina le lawmna hun, tapna le innuina a min tawngtir bawka.. Thil reng reng hi ta bieka siem ding a mi pek chuong nawh.
Makdanglam taka siem niin kan hrieta.. Ka lungril, inno em em ka ring hi ring bak zetin alo seka.. Nisienlakhawm, keimaa Khawsawtna a kawp tlat hi chu kan khawk pui hle.. Ka taksa, ka lungril ngaituona hai ka nei sung chu a bo awm si nawh.. Huiss!! A buoithlak ngei.
Zantieng kawlbul sen ruoi el, tlang, romei ibawm chiei hang thlir lem hin chu ngaituona an vak hla bek bek nawh.. Ruolhai le hlimtea lengduna gawp nuom tawka mara a thlum a al dawn tlanga hun kan hmanglai bak ka ngaituona’n a pel thei nawh!! Khang hun liemtah hai kha innghil nawng ka tih,ka rohlu neisun an ni sia.
Khang hun lai khan lungril sawlna neiloin hlimte’n kan lenga..tudang kan ngai nawh. Hlimna’n ka sip zing a ni deu tak.. Turuok hin chu ruolhai leh lengna tlang an dang zo taa, ka tadingin zan hun an tan tah alo ni ta zing el.. Ka en na tieng tieng ruolhai hlimthla ka hmua, a tak nilo, ka mit invai ringawt a ni si.. Khawsawtna’n ka sip nawk hlak. Khawsawtna ka kawl ve tlat hin chu mi mi hrietpui nisi loin a tuor chu an tak ngei
COMMENTS