KHAWTLANG LUNGLENG

~ZATAWN

Ka hei thlir vel a sak le thlang sim le hmar,
Ka suilungleng mu ang damte’n an leng diei diei,
Hril a hai ngei intum bik ding um lovin,
Khawtlang lungleng ka nih.

Hringtu mi chawilientu ngei khawma,
Hrilhaia ram tuon zuong tumna;
Hril thiemin a mawi nawh, thuva lunglenin,
Khawtlang lungleng ka nih.

Nang lelte zar thing awna lunglengin maw,
Ka lungleng khel tuma thal I lo inawi;
Khelin I mawi nawh vawisun ang reng reng hi,
Khawtlang lungleng ka nih.

Puon an bang zai rel tang e ram tuon reng chu,
Singmit luoithli’n hul zai reng reng a rel nawh;
Nang lelte damtakin, mangtha, mangtha le,
Khawtlang lungleng ka nih.