Fox Journal: Hmarkhawlien Joint KTP hmalakna in Hmarkhawlien khawsungah "KRISTA A INPUMKHATNA" ti thupuia hmangin Hlapawl, Malzai le Bible Quiz inruolsiekna hai nei a ni a. Hi inruolsiekna hi Barak Valley Hills Tribe Development Council (BVHTDC) in a sponsor a nih.
Liemtah tarik 21 April, 2016 khan Malzai Audition round nei tan a lo niin, zan liemtah tarik 26 April khan Malzai le Hlapawl inruolsiekna 1st round WMCEI biekin ah tan nawk a nih a. Malzai hi mi 25 hai lai vawizan khan Top 12 thlangsuok nghal an nih.
Hi inruolsieknaa thang ding hin Hmarkhawlien khawsunga kohran thalai po po fiel vawng an nih a. Malzai inruolsieknaa hin Kohran dang dang an thang kim vawnga hriet a ni bawk.
Hlapawl a ruok chu Sonbari ICI KTP, Hmarkhawlien ICI KTP, Hmarkhawlien ICI SUB Hqtrs, EFCI KTP, WMYF, RPC KTP, PYF Dinthar le SAY hai inruolsieknaa hin an thang tawl.
Hlapawl inruolsieknaa hin first round le third round ah mani hla thlang sak ning a ta, second round a ruok chu Organizer hai hla thlang sak ni thung a tih. Hlapawl hi round thum a zofel dinga riruong a nih.
Bible Quiz hi Pathienni zantienga nei tan ni ve thung a ta, Inruolsiekna ding hi Thutlungthar sung a mi ning a tih.
Malzai a thang po chu mi 25 an ni a, Hlapawl inruolsieknaa thang chu 8 an nih.
Hlapawl inruolsiekna second round hi May 2, 2016 khin RPC NEI biekin ah nei ning nawk ning a ta. Hungtlung ding tarik 6 May, 2016 khin Final round nei ning a tih.
COMMENTS