Fox Journal: Former Prime Minister Dr. Manmohan Singh mipui hmaa a tawng nuhnung tak kha zuk hrilkir vat ding ni inla an tak el thei, amiruokchu, to tawk tawka a umna chu suktawpin a hung tawngsuok nawk ta ding ni a hril a nih. Sienkhawm, mitinin a thuhril, a rawl ngaina hun hi an changve ta naw ding a nih.
Dr. Manmohan Singh, 83, chun kum 1966-a UN Secretariat, New York a Economic Advisor a chel ding le inzawma a sin lo thaw hlak zirtirna sin a imaksan chu sunzawm nawk ta dingin an pei thu chanchinthara tarlang a nih. Former PM hin Panjab University (PU) ah Professor sin thaw dinga an fielna chu a pawm ta a nih. Hi thu hi PU Vice-Chancellor Prof. Arun Kumar Grover in ToI a hril.
Singh hin a Bachelor le Master Degree (Economics) chu kum 1954 khan Topper niin Panjab University a inthawkin a lo zo a. Kum 1957 a Cambridge a inthawk anchuk zoa a hung kirin Singh hin Panjab University a hi kum 1966 chen kha Senior Lecturer in a thawk a nih.
Former PM hin academic research iengkhawm la nawng a ta, a sin ding hi inchuklai hai le department dang dang hai leh inpawlna (interaction) nei pui hlak a tih.
Singh baka hin economist inlar Yoginder K Alagh le Padma Bhushan awardee Ela Bhatt hai khawma fielna an dawngve professor Dr Manmohan Singh Chair le Mahatama Gandhi Chair hai chu an pawm niin University thusuok chun a hril.
COMMENTS