MANIPUR LEILUNG MAWINA LE CULTURE HAUSAKNA HI INDIA ROHLU A NIH

Fox Journal: Imphal 23th April 2016 - Zani khan President of India Pu Pranab Mukherjee'n Khongjom Memorial Day hmangpuina neiin War Memorial hawngna a nei. Ralna Parte(wreath) inzalna anei nghal bawk.

President pa thuhrilnaa chun Khongjom hmunah  hin India leilungah, Kumpinu Sawrkar le indo tawpnatakna 1891 khan lo tlungin, Manipur lalram chu Indian Sub-continent a rambung nuhnungtakna di'n Kumpinu ni-tla-seng-lo Lalram chu a zawm ve ta a nih. Kimpinu Sawrkarin a Lalram inzauna the Battle of Plassey(1757) kan lo tanin Battle of Khongjom a hin a tawp ta a ni, ti'n a hril.

Khongjom War Memorial Gate Thar

President Pu Mukerjee chun hi Khongjom ni a hin Manipur ta dinga thlunglu lo chantahai an zathu puonglangin, Manipur sipaiha'n an ram zalenna humhim tuma Kumpinu Sawrkar dova hringna
lo chanhai huoisenna hi an pak hle bawk   a nih.
President chun "Pu Nehru'n Manipur hi India Rohlu tiin a lo kova. Manipur leilung mawina hin a sukchieng hle a nih", tiin a hril.
President chun Manipur inthanglienna dinga a-kalpen peina dingah a diksakna an hlan bawk.