Fox Journal | Imphal, April 12: Hun iemani chen a inthawk Manipur CM Ibobi hnuoia MLA le Minister 20 laiin Manipur a rorelna khawl chel mektu Congress sunga Ministry sawi danglam dinga an nawrna angin Chief Minister Okram Ibobi Singh chun Minister pathum peithla in Minister thar ding pathum dang a laklut.
Vawisun chawhnung dar 2 khan Minister thar hai hin Darbar Hall, Raj Bhavan, Imphal ah Manipur Governor VS Shanmuganathan hmaah thu intiemkamna an nei.
CM Ibobi Ministry fe lai meka Minister a inthawka peithlaka um hai chu Th Debendra (Jiribam), T. Phungzathang (Churachandpur) le Francis Ngajokpa (Tadubi) hai an nih a. Laklut thara um Minister thar ding hai chu DK Korungthang (Tengnoupal), Ksh Biren Singh (Lamlai) leh T. Manga Vaiphei (Henglep) hai an nih.
DK Korungthang hi Health & Family Welfare, CADA & GAD Minister portfolio pek a ni aa, Ksh Biren Singh, Works Department Minister le T. Manga Vaiphei, PHED, Labour & Employment, Science & Technology Minister portfolio hai pek an nih.
Source: (HuihchimNews)
COMMENTS