Fox Journal | Maram, 27.04.2016:
Hmar hnam ta dinga hringna lo chân ta hai hrietzingna dinga Maram khuo (Senapati District) a Hmar nau inchûklai hai le Maram Eimi Football Assn. (MEFA) hai huoihawtna hnuoia Maram Hmar Martyrs Trophy 2016 chu zanikhan a khârna hunser hmang a lo ni tah.
Zani zantieng khan Maram a Ramlung Ground ah Final pêt a ni a, Ramlung FC haiin United Kavanam Brothers (UKB) hai hnein hnena nopui an lo dawm tah.
Hi Trophy inhmatak a zo a nina san tak chu thla nawk May thla hin Manipur University hnuoiah Semester Exam aum leiin a remchang naw ding ni a hriet a ni leiin inhmatak a zo a ni le Hmar Martyrs Day khawm an lo inser nawk ve ngei ding niin ei thu dawngna chun a hril. Hnam dang tamtak chengna ram a hienga ei Hmar chanpui inchûklai tlawmte um haiin hienga Trophy an huoihawt hlak le Martyrs Day an lo inser ve hlak hi entawn tlak tak an nih.
Hmatieng peia an sinthaw na le an inchûkna kawng ah Pathienin an hma thuoi pei a hlawtlingna chang ngei dingin Fox Journal chun ditsakna insângtak ei inhlan.
COMMENTS