Fox Journal | Imphal, April 11: Liemtah April 7 ni a Mayang Imphal Benggoon hmun a Muslim mi pathumin activa 1 an inruk leia Meitei mipuiin an vuok/chîl chu mi 3 hai laia 2 hai chun vuok an tuorna hliem be chu tuor zo lovin an thi phaa, chu le inzawm chun Pangal haiin bandh an hung thaw tan a nih.
Benggoon le Khongchak khuo hi inhnaite a um an ni a, bandh thawtu Muslim hai le Meitei hai chu an inbeituo taa, tuolsuok silai double barrel damin an inkap a, mihriem chengna in khawm tam tak an raw siet bawk. An inkaptuonaa hin a hliem khawm an um tah a, Mayang Imphal a um Police Commando 2 khawm kap hliem an nih ti'n chanchin dawng a nih.
Chun, Pangal haiin hi lai hmuna Meitei hai chengna in 3 khawm an raw siet bawk a. Chawhnung dar 2:30 bawr vel khan Kongchak Meitei pakhat chu Pangal haiin silaiin an kaphliem bawk a nih.
Bengoon hmun hi Pangal hai chengna bik khuo a ni a, buoina hi sukre vat a ni naw chun hi lai hmun chau ni lovin a kangzap hrat hle ring a um.
COMMENTS