MIHRIEMA DITTHLANG THEINA


~Tv. Alvin L. Intoate



Eden huona khan Pathienin mihriem chu ditthlang theina zalenna neiin a siem a. Genesis 2:8 a khan, huona thingra tinreng an fak dingin a peka. Huon lailunga sie le tha hrietna thingra ruok chu an fak a phal naw thu ei hmu; a fak ruok chu an fak thei a, sienkhawm an fak chun an thi ngei ngei ding a nih ti Pathienin a hril pek a nih. Setanin a thlem lai khan Evi kha ditthlang theina ngirhmuna um a nih. Chuleiin, a ditthlangna ngeiin mit la tak a nih ti a hmu a, a fak tah a nih. Hrietna hmangsuol hi ti a lo um hle ding a nih.

Mihriem hrietna tukver (Organs) ei tihai hieng: Nakâwr, Bau, Hnâr le Vun, taksa thema hriettheina hai hi a nih, hieng hrietna hai hmang hin mihriem chun ditthlangin Pathien lawmnawzawng lampui chu alo hraw ta a. Chu lampui a hraw char chun mihriem chu Pathiena inthawka sât thlak a lo ni taa. Chutaka inthawk chun mihriem chu thina le hremhmun hmabak chau a hung ni ta a nih. Pathien chun a dan pangngai ang bawkin zantieng ninem chun mihriem chu a zu kan nawk a. Mihriem chu a hung koa, dawn chu a hang dawn ngeia, inzak tak puma hun anlo hmanga an inbiek el nasan hi iem ni tang ata leh? Kha huna khan chu Pathien rawn loa an ditthlang kha insir hleng an tih. Nang le kei khawma ditthlang theina ei nei. Chu ngirhmun, ngirhmun thatak a chun Pathienin a mi la sie zing a nih. |henkhat chu dit khawm thlang thei ta loa suolin nasataka a khuop hlawm el tah, intal suok thei talo thina kho tlanga ngir el tamtak an um. Chulai zinga ditthlang theina hun nei zinga ditlem thlang chuong loa lumlo deilo nu le pa nunghak, tlangval tamtak eila um zing hi thiltha chu a ni ding am a nih. Johan 3:16 ah, “ Pathienin khawvel a hmangai bek beka, chuong, chun a Naupa khat neisun chu a pek a; ama chu tukhawm a ring taphawt chu an bohmang nawh a, chatuona hringna an nei lemna dingin”. Pathienin a naupa a hung pek el hi a dittawk nawa ama’n a sin chu a hung thaw ngeia, eini thawding khawm phut a mi nei ve a nih. Pathienin a mi phut ve chu iem ni tang ata leh? A naupa ei aia a hung pek hi lo ringve a, Lal le sandamtua lo pawm ve dingin a mi phut ve a nih. I ring nuom le nuomnaw chu nanga innghat a nih. Ring la sandamin um itih ti ziek a ni sia. Mihriem hin ei hring nuna dingin ditthlang theina kawng hni ei neia, chuonghai chu lampui pahnia \he a nih. 1) Chatuona hringna lampui le 2) Chatuona thina lampui hai hi an nih.
Chatuona hringna lampui chu ieng am ni tang ata leh?

“ Kei hi lampui le thutak le hringna chu ka nih, keimaa fe naw chu tukhawm pa kuom tlung thei naw ni hai”. Hi hi Isu tawngbau a nih. Matthai 7:14 hin chiengtakin a mi hril bawka, “Hringnaa fena kawtkhar chu a chin a, a lampui khawm an tep bawka, a fe khawm tlawmte an nih”. Hi lampui hi ei hang belchienga, a sira hin mi sukbuoi thei thil tamtak a um a nih. A hraw khawm an taka mi tamtak an hung kir hlak a ni, a sira chun mi suntu dingin hling dam, mi suk thlutu dingin chirhak dam, mi sukbuoitu dingin lampet tamtak a um bawk a nih. Mani mihriem varna hmang loa Pathien ditzawnga ditthlangtuhai chu, ieng ang harsatna khawm tuokhai sienla, Sam ziektu’n a lo ti angin Pathien chu in humhimnain an hmanga, thangpui vartu hnai zing a ni ti hi an hriet chieng hle a nih. Genesis 13:11 chuongchun Lota chun Jordan phaizawl po po chu a thlang taa... Lota hin aditthlangna hin insir hleng atih, hausakna hnawt in a ram chu a zau pei a, Sodom chenin a puoin chu a zau ta a. Abraham ruok chu Pathien thu ang ang a in tawl in Pathienin a nawk leng na tieng tieng an tawl peia a tawp ah chun ringnaa pa, sertan le tanlo hai pa a tling anih. An \he pui Lota ngei khawm mei le kat a inthawkin a san suok bawk anih. Chatuona hringna lampui hraw dinga Pathien thu ang taka ditthlangtu hai chu mi tam tak ta dinga malsawmna an ni hlak. Mani remhrietna hmanga chatuona hringna lampui hraw tumtu hai chu hlawtling nekin an hnungtawl rawp hlak. Hausakna le thiemna hai hmanga Pathien dit zawng niloa ditthlang tu hai chun chatuona hringna chang ngai naw ni hai. Chu nek in pansak - panthlang ta dinga harsatna intlun tu khawm an ni rawp hlak.

Chatuon Thina Lampui
Chatuon thina lampui chu ieng ang am ni tang ata leh. Matthai 7:13 “...bo hmangnaa fena kawtkhar chu a lien a, a lampui khawm a lien bawk a, chutienga lut khawm an tam hle a nih.” Bohmangna lampui ei ti le chatuon thina lampui ei ti hi thu hmun angin hang ngai phawt ei ta. Ei hril ta chatuon hringna lampui ang khan chu sukbuoitu an um bek nawa, a lampui chu tluongtak el a nih, inhawitirna ding khawm tamtak a um. A lampui sir vel chu nasataka sukfai le cheimawi a ni a. Chu lampuia fehai chun nasatakin hun hlimum an tawnga, sienkhawm Pathien rawn loa mani ditthlangnaa hi lampui an hraw leiin an tawpna chu lung ngaina le beidawngna chau a nih. Anni mimal an beidawng chu hrillo, insung, khawtlang le kohrana chen harsatna siemtu an ni rawp hlak. Nu le pa an sukbeidawnga, an thi hnung chen khawmin Pastor le kohran Upa tamtak khel thienghlim an inhriltir rawp hlak. Zu le sa inruithei thila an int^wl lut nawka, beidawngna khurah an tlu lut rawp hlak.

PATHIENIN mihriema ditthlang theina zalenna a mi pek hai laia lampui pahni ei hung tarlang, chatuon hringna lampui le chatuon thina lampui, bohmangna lampui ei ti hai hi thlang suol pal ei tih ti inlau a um khawpel. Tulai khawvel boruok sik le sa inthlak thleng dan le nitin chanchinbu hai ei hang ena, ringtu nun a buoi tak zie hai hi ei en chun Pathienin ditthlang theina zalenna a mi pek hi ei hmang suol ta mani aw ti dingin a um.

Chuleiin Pathienin mihriema ditthlang theina zalenna a mi pek hi ami petu dit dan ang taka hmang ding le pansak-panthlang tadinga harsatna intluntu ni loa malsawmna ni lem dingin le chatuon hringna lampui hraw ngei dingin tiemtuhai po po ka ditsakna insangtak ka hung inhlan cheu. 

COMMENTS

Name

Articles,95,B Lalsanglien,1,Bakshi,1,BUONGLIENKUNG,11,Cleaven Hmar,1,DIAMOND MALSAWMTHANG TUSING,1,Dorothy Hmar,2,DR ROCHUNGA PUDAITE,1,EDWARD TC HRANGATE,1,Elson J Thiek,1,Fox Journal,2,Fox Journal thuziek,2,Fred Lalramsan Khawbung,1,GB Niropui,1,Guwahati,2,H ZATE,2,Hal Ziek,1,Hla Ziek,145,Hmangaina Hla,11,Hmar,12,Hmar articles,9,hmar culture warriors,1,Hmar hla,2,Hmara,1,Hnam Hla,16,HP RUNREMTHANG,6,HRANGLIEN SONGATE,1,I-League,1,Inruoksiekna,1,JAMES SONGROLAL,2,Joshua L Thiek,12,Jr Amo,5,KAMA SUNGTE,2,L KEIVOM,7,Laldena,4,LALHMINGTHANG,2,LALHMUNSANG CHANGSAN,1,LALKHUM KEIVOM,1,LALNGHATLIEN SONGATE,1,LALRAMLIEN KUNGATE,1,LALSANGAWI,2,LALTLANSUNG MIHRIEMATE,1,local,2,Local New,1,Local News,498,LR NGHINGLO,1,LT. NEITHANG,1,Manipur,1,National News,29,News,567,Nursing,1,PASTOR KHUONGA,1,PASTOR LIENRÛM,3,PASTOR V.T KAPPU,8,Pathien Hla,105,Paulsiemlien,1,PAUTINKHUP,1,PI ROSIEM,1,PI RUNCHAWNG,1,Poem,1,REV THANGNGÛR,13,REV. T KHUMA,1,REV.NGAMLALCHAWL,1,Rimawi,11,Robinson Zote,1,Royal Global University,1,ROYE,1,Season 1,1,SEMA FAIHRIEM,2,Sielmat,1,SONGLIENTHUOM,1,Sports,11,SUMA,1,Thanglienthuom,1,THANGLIENZO,1,THANGZARLIEN,2,Thuziek,1,TRAU,1,Tribute,1,UPA DANGVEL,1,UPA L.MUONVEL,1,UPA LALNUNTLUONG FAIHENG,1,UPA LIENSUN,1,UPA LIENTLUNGVEL,1,UPA NGAMA,5,V L LAWMA CHANGSAN,1,VINCENT HEKTE HMAR,2,Vocal Champ,1,World News,23,ZATAWN,1,
ltr
item
FOX JOURNAL: MIHRIEMA DITTHLANG THEINA
MIHRIEMA DITTHLANG THEINA
https://2.bp.blogspot.com/-5hISMqb7vRI/Vw-Ujw_mYKI/AAAAAAAAAN4/_oD2pJHXveU69GOdPEUJQL6HWLlTABlJwCLcB/s320/OneWay.jpg
https://2.bp.blogspot.com/-5hISMqb7vRI/Vw-Ujw_mYKI/AAAAAAAAAN4/_oD2pJHXveU69GOdPEUJQL6HWLlTABlJwCLcB/s72-c/OneWay.jpg
FOX JOURNAL
https://www.foxjournal.in/2016/04/mihriema-ditthlang-theina.html
https://www.foxjournal.in/
https://www.foxjournal.in/
https://www.foxjournal.in/2016/04/mihriema-ditthlang-theina.html
true
6798813121781721492
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy