Fox Journal: Mamit bazar venga Pa Saikhuma hai sungkuo chun an thing atna hmuna pa chu hawnin an fak/hme a, an fak zo chun an phing dam nain an luok a suok leiin Hospital ah an sunga admit an nih a. Zani zan khan an naupa kum 10 mi Biakrinawma chun zan dar 7 velah khan an pa fak chu Hospital ah a thi puia, a hnuoia mi a sang Malsawmtluanga chu vawituk dar 7 vel khan a nat tuor lovin an pa fak chu a thi pui ve nawk a. Chau chu an nawh, an Pa Saikhuma khawm a nau hai ruong khawm enkawl le buoipui thei lova Aizawl tieng an phur phei laiin nakie el khan an pa fak a thipui ve thu dawng nawk a nih.
An sungkuo an rengin 7 an ni a, a dang hai khawm hi ngaituo um tak an la ni a, an inrik hle a thi el thei ngirhmuna um an ni tawl. Pakhat hi chu an mikhuol, Tuikual, Aizawl tieng mi ni a hril a nih.
An tuorna van tawmpui thei naw inla khawm pawi ei ti hle a, siet tuoktu sungkuo hai hi ei tuorpui hle. Pathienin umpui mawl raw sen.
- Special Report
COMMENTS