By H Zate
1. Mihriem hratna hi chuoiin a uoi thei ani ti hre la, kan hung tara kan hung chau pha khawm, Dawtheina le Zawldawna neiin mi Hrethiem hlak rawh.
2.Kan hrietna ahung chau a thil kan theinghil changin kan chunga lungsena inhrawt el loin, I chinlai a I hrietnaw tinreng dilsut taka imin dawn khawma, dawthei taka kan dawn hlak zie che kha ngaituo kir rawp hlak rawh.
3. Kan tar a, kan hung chau a makhat a kalchawi kan theinaw pha le, I kepen vawikhatna kha hre in kan tadingin Funghrawl ni tlat rawh.
4. Damnawna chitin in ami tlakbuok pha le, kan iengkim inhlan a kan enkawl dan che hre in Duottakin mi enkawl hlak rawh.
5. I kawppui in ami hmangainaw ani khawma nang bek chun Kum tam kan lo enkawlna che kha ngaituo in min phatsannaw hram rawh.
6. Kan lo enkawlna po po che kha a sumpaia mi rul dingin kan phutnaw che a, duottaka mi enkawl ve tadingin kan phut lem che ani.
7. I kawppui ding I thlang khawma I chunle zuo hai ami hmangai sa am? Ti hi ngaituo rawp hlak rawh. Tar chau, zun le ek inthiel ngai kan ni pha amin thiel nuom ding am? Am? Sungkuo sukdartu ani lem ding?
8. I Hmangai, I kawppui nek in mi hmangai lem dingin kan phut ngamnaw a, hi ruok hi chu inghilnaw la, ama nek chun kan hmangai lem che ti hi.
9. Dinhmun insang I chel ta lei le, I chun le zuo kan inhnuoi leiin mi hmusit naw la, nangma kan enkawlna lei che hin kan nuom lei nilovin mi keler khawm kan fawp hlak ti hi mi hrietpui ve mawl rawh.
10. Degree insang tak tak inei ta leiin ka nu le pa nekin kan sang ta ti ngainaw rawh. I nu le pa chun nau Degree nei thei dingin kan enkawl puitling ta a, NANGTE, I nei ve ta am ani?.
11. I kawppui angin ‘Ka hmangai che’ mi ti ran dingin kan phutnaw che a, sienkhawm, imi hmangaina hi kawng tinrenga inlangtir ding ruok chun ka phut tlat che anih.
12. I thatlaiin ngaizawng neilo dingin ka tinaw che a, sienkhawm, I kawppui ding I thlangna ding ani leiin fimkhur dingin kan dit lem che anih. I vanglaia ngaizawng I neinaw chun kawppui I nei hnung chun a rem ta si naw a.
13. I nu le pa hi Tar thei, chau thei, Thi thei kan ni ti hi hre zingin, iengtiklaikhawm sungkuo ban ni thei dingin in ring zing rawh.
14. Mobile Phone hi Mawbil ka ti leiin min nuisan naw la, kan vanglaia thil umlo tamtak hai hi hrietthiem dan min chuktir lem rawh. ( Generation Gap)
15. Kan Incheina am ani kan chetdan a thing leiin I ruolhai lakah min zakpui ngainaw la, nang aleia hienga hi um kan ni ti hi hre rawp hlak la, kan in hnemna ini ti hi innghilnaw rawh.
Address:
Hmar Run, 197, Thingdawl
Distt: Kolasib State: Mizoram : India, 796082
Contact:
Phone- +918974146273 | +919402125273
Email- hzate93@gmail.com | hzate91@yahoo.com
Blog- hzate.wordpress.com | hzate.blogspot.com
COMMENTS