Fox Journal: Zani ang hun nikum kum 2015 khan Nepal in lirhning inphir sietna rapthlak tak el a tuok tum kum khat an vawina a lo ni tah. Nepalese tam tak hai chun lir inhningin mihriem hringna 9000 lai zet a lakna champha, a thi hai hrietzingna le sunna hunser an hmang tawl. Kum khat invawi ta sienkhawm, tam tak hai chu in mumal chengna ding la nei loin in siemfawm mei meia hai an la khawsa tawl zinga, an sawrkar an dem hle.
Hi huna hin Prime Minister K P Sharma Oli khawma kum zabi 19 a upa Dharahara tower sietna hmuna hin a thi hai sunna in parte a va sie ve.
Lir inhningna ni tak kha ni 25 April nisienkhawm, Bikram Era calendar dungzuiin zani 24 April khan an inser lem a nih.
Nepal sawrkar chun lir inhning zo khan in chengna thei lova a sawisiet hai kuomah Lakh 2 seng
(Nepal pawisa) pek dingin an tiem a amiruokchu, hi thil hi tuchen hin a chang lo tam tak an la um ni'n an hril.
Kan sungkuo hin thangpuina hi kan hmu ta naw el dim kan lau ta hle a nih, kum khat an vawi der an tah a tiin Ramesh Shrestha, lir inhningin in a sawisiet laia thangve pakhat chun a hril.
Lir inhning hmasa lem 7.9 magnitude a hratin a sawi a, a vawi hnina kn 7.3 magnitude a hratin a sawi nawk a nih.
COMMENTS