Fox Journal, LAKHIMPUR (UP): Police thusuokin a tarlang danin nuhmeite kum 10 chaua upa chu Nighasan biel ah a thisaa hmu a nih. An lang danin suollui a ni hnungin that a ni ngei an ring thu Police report chun a hril.
Hi nuhmeite nu ruong hi nuhmeitu nu in an ran vai hai ta ding hlohna a va lakna hlak hmun awl laia hmu niin, a thattu hin nuhmeite nu leggings hmanga a rek hlum a nih. Suol thawtu hin a suollui phawta chu zoah hi thiltlung hi thuphmang a tumnaa a that niin Circle Officer Nighasan Mohd Ibrahim chun a hril a. Suollui ngei a ni ti sukchiengna dingin Medical Examination nei mek a nih thu a hrilsa.
Nuhmeite nu pa in complain a thelut angin FIR a zieklut a ni a, hi lai khuo le tui mi vek ringhla a nih.
Buoina danga chun Bihar hmuna tlangval pakhatin nghaklakte pakhat țawng le na (ear) hrietna tienga ruolbanlo a suollui hnungin a maksan a, nuhmei suolluia um hi ngirhmun derthawng takin a sie niin Police chun an hril.
Sienkhawm, iengtin tin amani nuhmeinu hin kutzai zir hmangin a thil tuok hi an monu kuomah an hriettir thei a, a thawtu hmelhmang le a nina ruok chu a suklang thei nawh.
Police haiin suolluia um hi Hospital ah fepuiin hitaka hin nuhmei hi a serious thu hriet a nih. Hi le inzawm hin FIR zieklut niin mi suollui tu man tumin Police in an zawng mek.
COMMENTS