PATHIEN TA DINGIN I PAWIMAW

~ Dr. James R. Ruolngul 

Mihriem ei ni sung hin chu pawimaw deu ni ei hang nuom chang a tam. Puipungkhawmna amani le ruolhai lai dam hin a pawimaw tak ni dam ei nuom hlak. Amiruokchu, eini a tam lemhai ta ding chun mihriem lai a chu ngaisak ei hlaw kher ngai nawh. Lungngai ding a ni nawh, Pathien ta dingin i pawimaw, a ngaisak che!

Psalm 8 ei tiem lem chun a ziektu meu khawma ieng dinga Pathienin mihriem hi a ngaisak em em elamanaativethoanih.Makdeuelchuanih. Pathien thu ei hang en tak tak chun Pathien mi hmangaina, a mi ngaisak zie, a mi ngaipawimaw zie le mihriem kâwina, mihriemin Pathien an chun Pathien chu a hnai zing thu hi hmu zing thei a nih. Thilthawhai 17:16-34 a dam khan ei hmu thei.
Eini khawm hang thlîr kir vat ei tih. Pathien tak tak zawng nachang le zawng dan ding khawm hre lo, ramhnuoia ramhuoi ang ela invâk ei ni laiin Pathienin a mi hung zawng suok dan hi ei lo ngaituo hlak am aw. India hmarsak, British-hai ta ding khawma ram tha khawm ni lo, an hlawkpuina ding khawm um loin an hung lut el a. Chu chu a nih Pathien thilthawltheina le hmangainaa a mi zawngna chu. Isu Krista hnuoia a hunga a hung thi chu thudang lo ni sien, eini a mi hung zawng dan hi ropui deu el a nih. Chu a mi hung zawngna lei chun tuhin hieng chen chen ei lo phak ve tah a, mihriem lai tiem vein ei hung um thei ve tah a nih. Chuonga ei hung um hnunga kohran, Pathien thu sawisel ei thaw vet hi an dik chie am ti khawm hi ngaituo tham chu a nih.

Pathienin a mi zawng suok dan hi ei hang en chet chet chun a san a um ni ngei a tih. Tamtak um sienkhawm a san laia pakhat chu a hmangruo dinga amikoeinih.Amikoelanitanawha;tulemhin chu a hmangruo ei ni ve thei tah. Ei la tlin nawna tam sienkhawm hi hi ei thaw ding chu a nih. Ei la hmin naw a ni chun hienghai hi hang en nawn nawk ei tih:
a. Pathienin ama anga a mi siemhai ei nih (Gen.1:27; 9:6).

b. Pathienin ei nitin mamaw a mi pek hlak (Matt. 5:45).
c. A mi ngaisak ema a naupa neisun a mi pek tawp el a nih (Johan 3:16; 1 Johan 4:10)

A bikin 1 Johan 4:10 a mi lei khin mitin hi ei hmangai ve ding a nih. Pathienin a mi hmangai ti zing inla, midang ei va theida khan chu eini tiengah indik nawna a um a nih ti hrie inla. Anni, ei theidahai khawm Pathienin a hmangai ve a nih. Ama la hre nawhai khawmPathieninahmangaiveanih,eiringnawlai khawma mi hung zawng suoktu a ni sih a.
Mihriem ei ni leiin a changin lungngai hun le beidawng hun, natna khuma ei zâl hun a um hlak. Chuong hun a chun inngaisiet a awl hlak. Amiruokchu Pathienin a mi ngaipawimawin a mi ngaiven a nih ti hi hre thar ei tiu.

En ei tih: Sodom le Gomorra suksieta a um ding khan Abrahamin Pathien kuomah a ngên a. Mi 50 bêk an um chun suksiet lo ding tiin Pathienin a hril a. Chuongchun Abraham le chun indawr ang elin an inbiek peina a chun 50 a inthawkin 45, 30, 20 le 10 chen an inbiek a. Pathien chun mifel 10 an um khawma suksiet lo dingin an tiem a ni kha. Pathien hin mihriem le mifel hi a lo ngaisak ngei!
En ei tih: Ethiopia mitillak khawm mi pakhat chau a nih. Isai 53 a tiem a, a hriet nawh a, Pathienin tul a ti leiin Philip a tir vang vanga chanchin\ha a va hril el. Makh^t chaua uma mi ngaisak naw i hlaw ta hlak am. I khata tawngtaia i beidawng hun a um am? Pathienin a hriet che, a ngaituo che (Thil. 8:26-40).

La en nawk rawp ei tih: Ninevi khuoah Pathien thu hril dingin Jona chu tirin a um a. Jona a lo nuom naw hlau el a. Jona chu a la fe tho tho. A chanchin chu a hretusengthoanih.Avahrila,aninsirchunPathien lungril a them tah a. Jona ruok chun Pathien kut tuokhai sien a tih. Mihriem hi chu aw! Pathienin ieng tin am a dawn a? Jona 4:11 a chun, “Ninevi khuo, khaw ropuitak, a sûngah mi nuoi khat le sing hni néka tam, an changtieng le vawitieng khawm thlier thei lohai le ran ruol tamtak umna hi, ka lunginsiet naw ding am a nih? a ta.” Hi hi Pathien thu a nih. 

Source: Thalai Weekly